Erythrin

Erythrin, òg kalla koboltblomst, er eit vent raudfarga mineral som blir danna ved forvitring av mellom anna koboltitt. Det er eit vasshaldig koboltarsenat med formel Co₃(AsO₄)₂·8H₂O, som krystalliserer monoklint og tilhøyrer vivianittgruppa.

Erythrin frå Marokko.

I Noreg er det særleg kjent frå koboltførekomstar på Modum i Buskerud. Den analoge nikkelsambindinga, annabergitt (nikkelblomst), er grå- til grønfarga og er i Noreg påvist frå Råna i Ballangen.