Falcon 9

Falcon 9 er ein 70 meter høg tostegsrakett frå SpaceX.^[1] Fyrstesteget på raketten har landa på jorda etter vellukka oppskyting fleire gonger, mellom anna på droneskip til havs.^[2] Falcon 9 er den fyrste privatbygde raketten som har skote menneske opp i bane kring jorda.^[3]

Ein Falcon 9-rakett før oppskyting av Iridium-satellittar frå Vandenberg Air Force Base i California

Falcon 9 under oppskyting frå Cape Canaveral i Florida

Nærbilete av motorane til Falcon 9 under oppskyting

Eit Falcon 9-fyrstesteg kveikjer motorane før landing

Eit Falcon 9-fyrstesteg landar ved Cape Canaveral

Eit Falcon 9-fyrstesteg rett før ei vellukka landing til havs

Droneskipet «Just Read the Instructions» i Atlanterhavet klar for landing av eit Falcon 9-fyrstesteg

31. mars 2017 norsk tid vart eit Falcon 9-fyrstesteg nytta om att for fyrste gongen då det skaut opp kommunikasjonssatellitten SES-10. Dette fyrstesteget hadde skote opp last til Den internasjonale romstasjonen 8. april året før. Dette var fyrste gongen ein rakett i stand til å setja ting inn i jordbane hadde vore nytta om att sidan dei amerikanske romferjene.^[4] Seinare vart endå eit Falcon 9-fyrstesteg nytta om att.^[5]

Tidsline

• 4. juni 2010: fyrste oppskytinga av ein Falcon 9-rakett^[6]
• 22. desember 2015: fyrste vellukka landinga av eit Falcon 9-fyrstesteg^[7]
• 8. april 2016: fyrste vellukka landinga av eit Falcon 9-fyrstesteg til havs på eit droneskip^[8]
• 31. mars 2017: fyrste Falcon 9-fyrstesteget skote opp for andre gongen^[4]
• 11. mai 2018: fyrste blokk 5-utgåva av Falcon 9 skoten opp^[9]
• 3. desember 2018: fyrste Falcon 9-fyrstesteget skote opp for tredje gongen^[10]
• 30. mai 2020: fyrste oppskytinga med menneske om bord^[3]