Fallen Angels av Bob Dylan

Fallen Angels er det 37. studioalbumet til Bob Dylan, utgjeve på Columbia Records den 20. mai 2016.^[1]

Fallen Angels Studioalbum av Bob Dylan
Språk	engelsk
Utgjeve	20. mai 2016
Innspelt	Februar 2015 til mars 2016
Studio	Capitol Studios i Los Angeles i USA
Sjanger	Tradisjonell pop
Lengd	37:50
Selskap	Columbia
Produsent	Jack Frost
Bob Dylan-kronologi
The Bootleg Series Vol. 12: The Cutting Edge 1965–1966 (2015)	Fallen Angels	The 1966 Live Recordings (2016)
Singlar frå Fallen Angels
«Melancholy Mood» Utgjeve: 7. april 2016

Albumet består av coverversjonar av tolv klassiske amerikanske songar vald ut av Dylan frå ei rekkje låtskrivarar som Johnny Mercer, Harold Arlen, Sammy Cahn og Carolyn Leigh.^[1] Som det førre albumet, Shadows in the Night, vart alle songane på albumet, utanom «Skylark», ein gong spelt inn av Frank Sinatra.^[2]

Albumet fekk generelt god kritikk av kritikarane, særleg synginga til Dylan, produksjonskvaliteten og arrangementa til bandet.^[3] Fallen Angels vart nominert til Grammyprisen for beste tradisjonelle popvokalalbum i februar 2017.^[4]

Innspeling

Fallen Angels vart spelt inn i 2015 i Capitol Studios i Hollywood, med turnébandet sitt.^[1]

Utgjeving

Fallen Angels kom ut på Columbia Records den 20. mai 2016.

Før albumet kom ut, den 7. april 2016, vart songen «Melancholy Mood» lagt ut på iTunes^[1] og via strøyming på YouTube. Den 28. april 2016, dagen då Dylan fullførte ein turné i Japan, kom eit anna spor frå albumet ut, «All the Way», på iTunes og YouTube.

For å marknadsføre albumet gav Dylan ut ein 7" EP den 16. april 2016 kalla Melancholy Mood, avgrensa til 7000 eksemplar.^[5]

Mottaking

Meldingar
Samla karakter
Kjelde	Karakter
Metacritic	77/100[3]
Karakter
Kjelde	Karakter
AllMusic	[6]
The A.V. Club	B+[7]
Entertainment Weekly	B+[8]
FLOOD Magazine	5/10[9]
The Independent	[10]
NOW	[11]
Paste	8.5/10[12]
Pitchfork Media	6.4/10[13]
PopMatters	[14]
The Telegraph	[15]

Fallen Angels fekk generelt god kritikk frå kritikarane. På Metacritic, som gjev ei normalisert rating opp til 100 basert på andre meldingar, har albumet ein score på 77, basert på 21 meldingar.^[3]

Særleg la kritikarane vekt på arrangementa til bandet, produksjonen og røysta til Dylan. Andy Gill i The Independent skreiv «den rolege klimpringa og fyldige pedalsteelgitaren til bandet hans legg ei folkeleg countrystemning over den elegante og verdsmatte smørsongarvokalen til Dylan.».^[10] Helen Brown skreiv for The Daily Telegraph og hylla òg vokalen til Dylan på albumet, og sa: «Sjølv om somme alltid har hevda at Dylan 'ikkje kan syngje', er sanninga at på same måte som Sinatra, har han alltid hatt ein slåande hang til å få teksten gjennom. No eig han klassiske linjer av låtskrivarar som Johnny Mercer lett som berre det.»^[15]

Stephen Thomas Erlewine i AllMusic skreiv: «Desse kloke og snedige tolkingane understrekar det ultimate målet til Dylan med desse Sinatra-platene, som er på smart vis å knyte saman ulike trådar av amerikansk musikk, bringe Tin Pan Alley til pubane og ta urskogen inn i byen. Resultata er underdrivne, men likevel usedvanlege. Eit særeige, romantisk syn på Amerika på 1900-talet.»^[6]

Chris Gerard, skreiv for PopMatters, og meinte at albumet ikkje heilt klarte å leve opp til standarden Dylan sette med det førre Great American Songbook-prosjektet, Shadows in the Night, men var elles positiv: «Det er ikkje på same nivå som Shadows in the Night, som er mørkare, meir kjenslemessig intenst og alt i alt ei meir potent oppleving. Stundom kjennest Fallen Angels meir ut som ein lettvektar. Det er likevel ei rørande hyllest til lidenskapen Dylan framleis har for musikk, kjærleiken hans til å framføre og feiringa av forbanna gode songar.»^[14]

Innhald

Nr.	Tittel	Låtskrivar(ar)	Lengd
1.	«Young at Heart»	Johnny Richards, Carolyn Leigh	2:59
2.	«Maybe You’ll Be There»	Rube Bloom, Sammy Gallop	2:56
3.	«Polka Dots and Moonbeams»	Jimmy Van Heusen, Johnny Burke	3:20
4.	«All the Way»	Jimmy Van Heusen, Sammy Cahn	4:01
5.	«Skylark»	Hoagy Carmichael, Johnny Mercer	2:56
6.	«Nevertheless»	Harry Ruby, Bert Kalmar	3:27
7.	«All or Nothing at All»	Arthur Altman, Jack Lawrence	3:04
8.	«On a Little Street in Singapore»	Peter DeRose, Billy Hill	2:15
9.	«It Had to Be You»	Isham Jones, Gus Kahn	3:39
10.	«Melancholy Mood»	Walter Schumann, Vick R. Knight, Sr.	2:53
11.	«That Old Black Magic»	Harold Arlen, Johnny Mercer	3:04
12.	«Come Rain or Come Shine»	Arlen, Johnny Mercer	2:37

Medverkande

• Bob Dylan – vokal

Andre medverkande

• Charlie Sexton – gitar
• Stu Kimball – gitar
• Dean Parks – gitar
• Donnie Herron – steelgitar, bratsj
• Tony Garnier – bassgitar
• George Recile – trommer

Produksjon og teknisk

• Al Schmitt – miksing og lydteknikar
• Steve Genewick – assisterande lydteknikar
• James Harper – blåsearrangement/dirigent
• Greg Calbi – mastering
• Geoff Gans – plateomslag

Salslister

Vekeslister Liste (2016) Plassering Australske album (ARIA)[16] 11 Austerrikske album (Ö3 Austria)[17] 1 Belgiske album (Ultratop Flandern)[18] 3 Belgiske album (Ultratop Vallonia)[19] 24 Kanadiske album (Billboard)[20] 24 Tsjekkiske album (CNS IFPI)[21] 2 Danske album (Hitlisten)[22] 19 Nederlandske album (MegaCharts)[23] 7 Finske album (Suomen virallinen lista)[24] 14 Franske album (SNEP)[25] 35 Tyske album (Offizielle Top 100)[26] 7 Greske album (IFPI)[27] 12 Irske album (IRMA)[28] 5 Italienske album (FIMI)[29] 14 Italienske vinylplater (FIMI)[30] 2 New Zealand Albums (RMNZ)[31] 11 Norske album (VG-lista)[32] 8 Polske album (ZPAV)[33] 22 Svenske album (Sverigetopplistan)[34] 5 Sveitsiske album (Schweizer Hitparade)[35] 4 Britiske album (OCC)[36] 5 US Billboard 200[37] 7

Årslister Liste (2016) Plassering Belgiske album (Ultratop Flandern)[38] 91