Faust IV

Faust IV er det fjerde studioalbumet til den tyske krautrockgruppa Faust, utgjeve i 1973. Albumet er inkludert i boka 1001 Albums You Must Hear Before You Die, der det er omtalt som ein «krautrock-klassikar».^[4] Dette var det siste albumet av den første inkarnasjonen av bandet, før dei kom attende i 1994 med Rien og ei anna besetning.^[5]

Faust IV Studioalbum av Faust
Utgjeve	21. september 1973
Innspelt	Juni 1973
Studio	The Manor i Oxfordshire i England
Sjanger	Krautrock
Lengd	43:37
Selskap	Virgin
Produsent	Uwe Nettelbeck
Faust-kronologi
Outside the Dream Syndicate (1973)	Faust IV	Rien (1994)

Meldingar
Karakter
Kjelde	Karakter
AllMusic	[1]
Pitchfork	(9.4/10)[2]
Spin	[3]

Innspeling

Albumet vart spelt inn i The Manor Studio i England. Sidan innspelingane tok for lang tid, gjekk produsenten Uwe Nettelbeck for å utfylle albumet med materiale dei alt hadde spelt inn tidlegare i Wümme i Bremen i Tyskland. Desse tillegga er mellom andre «Krautrock» (tidlegare sendt på radioprogrammet til John Peel) og «It's a Bit of a Pain» (tidlegare gjeven ut på singel i Tyskland).^[2]

Musikk

Opningssporet, «Krautrock», er ein bordun-basert instrumental med trommer som kjem inn etter sju minutt, medan seinare spor, som «The Sad Skinhead» og «Jennifer» er meir konvensjonelle songar.^[2] Avslutningssporet, «It's a Bit of a Pain», kombinerer begge stilane, og nyttar støy på refrenget. På eit stadium seint i songen, etter refrenget, kan ein høyre ei kvinnestemme som snakkar svensk. Sporet «Just A Second» fekk undertittelen «starts like that!» på CD-utgåvene. Spornummereringa på den originale CD-utgåva var ikkje rett.^[6]

Innhald

Side ein

Nr.	Tittel	Lengd
1.	«Krautrock»	11:47
2.	«The Sad Skinhead»	2:43
3.	«Jennifer»	7:11

Side to

Nr.	Tittel	Lengd
1.	«Just a Second»	3:35
2.	«Giggy Smile / Picnic on a Frozen River, Deuxieme Tableau»	7:45
3.	«Läuft...Heißt Das Es Läuft Oder Es Kommt Bald...Läuft»	4:28
4.	«Run»	3:40
5.	«It's a Bit of a Pain»	3:08

Medverkande

• Werner «Zappi» Diermaier – trommer
• Hans Joachim Irmler – orgel
• Jean-Hervé Péron – vokal, bass
• Rudolf Sosna – vokal, gitar, klaverinstrument
• Gunter Wüsthoff – synthesizer, saksofon

Teknisk

• Kurt Graupner – lydteknikar
• Uwe Nettelbeck – produsent, plateomslag
• Gunter Wüsthoff – plateomslag