Fernando Abrantes

Fernando Abrantes er ein plateprodusent og musikar frå Portugal.

Fernando Abrantes
Fødd	1960 (65 år)
Fødestad	Lisboa
Opphav	Portugal
Aktiv	1991 (med Kraftwerk)
Tilknytte artistar	Kraftwerk
Verka som	musikar

Han var tidlegare medlem av konsertbandet til Kraftwerk frå Tyskland.^[1] Fernando vart med gruppa på konsertane deira i 1991 kort tid etter at den elektroniske perkusjonisten og låtskrivaren Karl Bartos slutta i bandet. Som erstattaren til Bartos, spelte Abrantes på den første delen av The Mix i Europa i 1991. Ein kan òg sjå han i form av ein robot på promobilete frå denne perioden, i tillegg til musikkvideoen for ein oppdatert versjon av «The Robots», same året. Abrantes slutta i gruppa kort tid etter og vart erstatta av lydteknikaren i Kling Klang studio, Henning Schmitz, som framleis er med i bandet.