Karl Bartos

Karl Bartos (fødd 31. mai 1952) er ein tysk musikar og låtskrivar. Mellom 1975 og 1990 spelte han i lag med Wolfgang Flür elektronisk perkusjon i electronicagruppa Kraftwerk. Han vart opphavleg teken med for å spele på den amerikanske delen av Autobahn-turneen. I tillegg til å spele perkusjon, skreiv han musikk for Man-Machine, Computer World og Electric Café og song solovokal på sistnemnde.

Karl Bartos
Karl Bartos (1976).
Fødd	31. mai 1952 (73 år)
Fødestad	Berchtesgaden, Tyskland
Opphav	Tyskland
Aktiv	1974 til i dag
Sjanger	Elektronisk musikk Synthpop
Instrument	Perkusjon, Synthesizer, Vokal
Tilknytte artistar	Kraftwerk (1975–1991) Elektric Music Electronic
Plateselskap	AudioVision SPV Columbia/SME Records Atlantic Records
Verka som	Musikar
Prisar	Człowiek ze Złotym Uchem

Bartos, som var fødd i Berchtesgaden i Tyskland, forlét gruppa i 1990, visstnok fordi han var frustrert over at det gjekk for treigt då Ralf Hütter og Florian Schneider i aukande grad hadde vorte perfeksjonistar.

I 1992 starta Bartos Elektric Music. Dette nye prosjektet gav ut eit Kraftwerk-liknande album kalla Esperanto i 1993, og det meir gitarbaserte Electric Music i 1998. I mellom desse to albuma samarbeidde Bartos med Bernard Sumner og Johnny Marr på Electronic sitt Raise the Pressure i 1996 og skreiv songar i lag med Andy McCluskey på både Esperanto og Orchestral Manoeuvres in the Dark sitt Universal. I 1998 produserte han eit album for det svenske synthpopbandet Mobile Homes.

I 2003 gav han ut synthpopalbumet Communication under sitt eige namn. I mars 2011 gav han ut Mini-Composer, som var ein applikasjon for iPhone der ein kunne lage musikk. 15. mars 2013 kom albumet Off the Record.

Diskografi

Med Kraftwerk

• 1975: Radio-Activity
• 1977: Trans-Europe Express
• 1978: Die Mensch-Maschine
• 1981: Computer World
• 1983: Tour de France (singel)
• 1986: Electric Café
• 1991: The Mix (lydprogramming)

Med Elektric Music (now Elektrisk Music)

• 1992: Afrika Bambaataa and The Soulsonic Force - Planet Rock (Classic Mix)
• 1993: Esperanto
• 1998: Elektrisk Music

Med Electronic

• 1996: Raise the Pressure

Som Karl Bartos

Karl Bartos på scenen i 2005.

• 2000: "15 Minutes of Fame" (singel)
• 2003: Communication (album)
• 2004: "Camera Obscura" (singel)
• 2013: Off the Record (album)

Unreleased

• 1994: 2nd proposed Elektric Music album (Most of the songs were performed at Elektric Music's Virtua Summer Tour in 1994).^[1]
• 2007: Moebius Redux – Ein Leben in Bildern / Une vie en images / A Life in Pictures (original soundtrack)