Figgjoelva

Figgjoelva er ei elv i Rogaland som renn frå Edlandsvatnet på Ålgård, gjennom Figgjo og til Sele på Jæren. Elva er populær for sportsfiske og er ei av dei 10–15 største lakseelvane i Noreg. Ho har ei lengd på 42,2 km og ein høgdeskilnad på 104 m. Middelvassføringa er på 103 m³/s^[1].

Figgjoelva
elv
Figgjoelva der ho renn ut av Edlandsvatnet på Ålgård. Til venstre kan ein sjå fabrikkbygget til nedlagde DFU. Foto: Rune Sattler
Land	Noreg
Fylke	Rogaland
Kommunar	Gjesdal, Sandnes, Klepp, Time
Lengd	42,2 km
Middelvassføring	103 m³/s
Kjelde	Edlandsvatnet, Ålgård
Munning	Sele
Figgjoelva 58.811666666667°N 5.5477777777778°E / 58.811666666667; 5.5477777777778

Figgjoelva var i 2000 den nest største lakseelva i Rogaland då det vart fisket 10,6 tonn laks og 677 kg sjøaure^[2].

Elva var grunnlaget for industrien på Ålgård og Figgjo. På Ålgård kjøpte Ole Nielsen rettane til Edlandsfossen og starta opp De Forenede Ullvarefabrikker. Tidlegare vart det òg fiska etter ål.