Finna

Finna er ei elv som har utspringet sitt frå innsjøen Råkåvatnet og renn gjennom Finndalen, Skårvangen, Skogbygda, Vågåmo og ut i Ottaelva, like nedanfor utløpet av Vågåvatnet. I Finndalen bukter Finna seg i meandersvingar og har danna mange gamle kroksjøar.

Finna
elv
Land	Noreg
Fylke	Innlandet
Kommunar	Lom, Vågå
Nedslagsfelt	466,01 km²
Sideelvar	Råkaåi, Gjerdingåi, Skjerva
Lengd	42,8 km
Middelvassføring	9,47 m³/s
Kjelde	Honnsjoen
•  høgd	1 093 moh.
Munning	Otta ved Vågåmo
•  høgd	363 moh.
Finna 61.869166666667°N 9.1116666666667°E / 61.869166666667; 9.1116666666667
Wikimedia Commons: Finna

Elva renn forbi fleire seterområde som Vangen, Sterringen, Breistulen og Odden. Når Finna har passert Odden går dalen over frå å vere ein hengande U-dal til ein V-dal og går i fleire stryk og fossefall. Den største fossen heiter Hølgjelfossen og ligg rett aust for grensa mellom Lom og Vågå kommune. Rett nord for denne fossen og litt opp i lia ligg setertufta Klomsroi som er nemnd i eit av Asbjørnsen og Moe sine eventyr om Jens Klomsroi. Hovuddelen av Finndalen ligg i Lom kommune, men når Finna går over til å verte fossar og stryk er ho kome inn i Vågå kommune.

Finna er verna med omsyn til Verneplan IV for vassdrag.