Fiq i Syria

Fiq er ein tidlegare by i Syria som administrativt høyrer til Al Quneitra guvernement i Golanhøgdene.^[1] Han ligg 349 meter over havet. Den israelske busetnaden Afik, ein kibbutz, vart bygd i nærleiken.^[1]

Fiq arabisk فيق
tidlegare busetnad
Land	Syria
Guvernement	Quneitra guvernement
Distrikt	Fiq-distriktet
Høgd	349 moh.
Koordinatar	32°46′N 35°42′E
Folketal	0  (2014)
Fiq i Syria 32.766666666667°N 35.7°E / 32.766666666667; 35.7
Kart som viser Fiq i Syria. Kart som viser Fiq i Syria.
Wikimedia Commons: Fiq (Syria)

Historie

Ruinar i Fiq.

Fiq var ein antikk by, og her er funne mange inskripsjonar på latin og gresk.^[2]

I 1596 vart Fiq oppført i osmanske skattelister som ein del av Jawlan Garbi nahiya i Hauran qada. Han hadde ein heilt muslimsk folkesetnad som bestod av 16 hushaldningar og 9 ungkarar. Skattane vart betalte for kveite, bygg, sommaravlingar, oliventre, geiter og/eller bikubar.^[3]

Den franske oppdagaren Victor Guérin noterte på 1800-talet at Fiq vart delt inn i fire kvarter, kvar administrert av sin eigen sjeik. Dei fleste av heimane inneheldt restane av gamle bygningar. Landsbyen var rik på ferskvatn.^[4]

Då Gottlieb Schumacher landmålte området i 1880-åra, skildra han Fiq som ein stor landsby med kring 400 menneske.^[5]