Flangreslekta

Flangreslekta (Epipactis) er ei slekt i orkidéfamilien (marihandfamilien) Orchidaceae.^[1]

Flangreslekta
Myrflangre
Systematikk
Rike:	Planteriket
Klasse:	Einfrøblada
Orden:	Aspargesordenen
Familie:	Orkidéfamilien
Slekt:	Epipactis
Artar i Noreg
raudflangre (E. atrorubens) breiflangre (E. helleborine) myrflangre (E. palustris)
Vitskapleg namn
Epipactis Zinn
Økologi
Utbreiing:	Eurasia, Afrika, Nord-Amerika

Artar og underartar

På verdsbasis har slekta nokre titals artar.^[2] Artsdatabanken opererer med desse artane og underartane i Noreg:^[3]

• raudflangre (E. atrorubens)
• breiflangre (E. helleborine)
  • skogbreiflangre (E. helleborine ssp. helleborine)
  • dyneflangre (E. helleborine ssp. neerlandica)
• myrflangre (E. palustris)

Av desse artane er dyneflangre og myrflangre på Norsk raudliste for artar (2021), båe som sterkt truga (EN).^[4][5]

Elles i Norden finn vi:

• grønflangre (E. leptochila), i Danmark (NT)^[6]
• snauflangre (E. phyllanthes), i Sverige (EN)^[7], i Danmark (LC)^[8]
• purpurflangre (E. purpurata), i Danmark (LC)^[9]

På Dei britiske øyane finn vi ein endemisk art med tre underartar, to av dei endemiske for England:^[10][11]

• E. dunensis, i England (ukjend status),^[12][13] i Wales (VU),^[14] i Irland (på venteliste)^[15]
  • E. dunensis ssp. dunensis
  • E. dunensis ssp. tynensis, i England (ukjend status)^[16]
  • E. dunensis ssp. sancta (somme tider rekna som eigen art, E. sancta),^[16] i England (EN)^[12][13]

Tidlegare har òg somme tider E. youngiana vore rekna som ein eigen art, men han er no rekna for høgst å vere ein varietet av skogbreiflangre (E. helleborine ssp. helleborine var. youngiana).^[12][11]

I Benelux finn vi to artar til:

• E. microphylla, i Belgia, (CR, berre i Vallonia)^[17] i Luxembourg (R, svært sjeldan)^[18]
• E. muelleri, i Nederland (NT),^[19] i Belgia (CR i Flandern, EN i Vallonia),^[20][17] i Luxembourg (NT)^[18]