Fluoritt

Fluoritt eller flusspat er eit mineral som kan ha alle moglege fargar, men som oftast er fiolett. Det er særs vanleg, særleg på gangar og sprekker i granittar og kontaktsonene deira. Mineralet krystalliserer kubisk. Kjemisk sett er det eit kalsiumfluorid, CaF₂. I mange tilfelle viser mineralet fluorescens, som vil sei at det sender ut lys av ulik fare når det vert utsett for ultrafiolett lys. Ein kan òg finne fosforescens, slik at lysutsendinga fortset i kortare eller lengre tid etter at strålinga har enda. I tillegg kan einskilde fluorittar syne termoluminescens, som vil sei at dei sender ut lys ved svak oppvarming.

Fluoritt
Mørkegrøn isolert fluorittkrystall som syner kubiske og åttesidige sider. Få Erongofjellet i Namibia (storleik: 50 mm x 27 mm, krystall storleik: 19 mm brei, 30 g)
Generelt
Kategori	Halidmineral
Kjemisk formel	CaF2
Strunz-klassifisering	03.AB.25
Krystallsymmetri	Isometrisk H–M Symbol 4/m 3 2/m
Einingscelle	a = 5.4626 Å; Z=4
Identifikasjon
Farge	fargelaus, kvit, lilla, blå, grøn, gul, oransje, raud, rosa, brun, blåsvart; vanlegvis i soner; kan vere alle fargar i spektrumet
Krystallform	Opptrer som velforma, grove krystallar, òg kuleforma, botryoidal, sjeldan skiveforma eller trådaktig; korna, massive
Krystallsystem	Isometrisk, cF12, Romgruppe Fm3m, nr. 225
Tvilling	Vanleg på {111}, gjennomtrengande, flattrykt
Kløyv	Åttesidig, perfekt på {111}, deling på {011}
Brot	Undermuslig til ujamn
Fastleik	Sprø
Mohs hardleiksskala	4 (definerande mineral)
Glans	glasaktig
Strekfarge	Kvit
Transparens	Gjennomsiktig til gjennomskineleg
Spesifikk vekt	3.175–3.184; til 3.56 om han har sjeldne jordmetall
Optiske eigenskapar
Optiske eigenskapar	Isotrop; svak anisotropi
Brytingsindeks	1.433–1.448
Smeltbarheit	3
Andre eigenskapar	stundom fosforescens når oppvarma eller skrapt. Andre varietetar fluorescerer
Kjelder	[1][2][3]

Mineralet har stor økonomisk tyding, og har namnet sitt frå nytta i metallurgiske smelter som eit flussmiddel. I tillegg til i smelteindustrien vert det nytta i emalje- og glasindustrien til framstilling av kjemikal (flussyre). Feilfrie krystall blir brukt til optiske føremål.

Det har tidlegare vore drift på fluoritt fleire stader i Noreg, særleg kring Kongsberg og Telemark