Flussyre

Flussyre er ei svak syre med kjemisk formel HF. Det er hydrogenfluorid oppløyst i vatn.^[1] Flussyre dannar hydrogenbindingar. Sidan syra reagerer med glas må ho oppbevarast i plastemballasje.

Flussyre
Andre namn	Hydrogenfluorid
Kjemisk formel	HF
Atommasse	20,006228252 atommasseeining
Utsjånad	Fargelaus gass
Eigenskapar
Smeltepunkt	-83 °C
Kokepunkt	19,5 °C
Smiles-notasjon	F
CAS-nummer	7664-39-3
SI-einingar & STP er brukt om inkje anna er oppgjeve

Syra er etsande sjølv i små konsentrasjonar. Dessutan kan fluoridionet trenga inn i hud og binda seg til kalsium. Får ein flussyre på huda kan det gjera skade etter fleire timar.

Modell av hydrogenfluorid. Hydrogen er vist med kvitt og fluor med grønt

Produksjon

Mineralet fluorspar (kalsiumfluorid CaF₂) og svovelsyre vert brukt til å produsera flussyre etter likninga:

CaF₂ + H₂SO₄ -> 2HF + CaSO₄

Bruk

Flussyre løyser oksid godt. Derfor kan syra brukast til å reinsa metall som uran og aluminium. Ho vert òg brukt til å etsa glas og som råstoff i produksjon av sambindingar som inneheld fluorid.