Frank Bakke-Jensen

Frank Bakke-Jensen (fødd 8. mars 1965 i Båtsfjord) er ein norsk politikar frå Høgre og forsvarsminister i regjeringa Solberg frå 20. oktober 2017.^[1] Før det var han frå 20. desember 2016 EØS- og EU-minister.

Frank Bakke-Jensen
Fødd	8. mars 1965 (60 år) Båtsfjord kommune
Statsborgar av	Noreg
Parti	Høgre
Yrke	politikar
Verv	Norsk utanriksminister 20. oktober 2017–
Føregangar	Ine Marie Eriksen Søreide
Verv	Norsk EØS- og EU-minister 20. desember 2016–20. oktober 2017
Føregangar	Elisabeth Aspaker
Etterfylgjar	Marit Berger Røsland
Verv	Stortingsrepresentant 1. oktober 2009–
Verv	Ordførar i Båtsfjord 24. oktober 2007–15. oktober 2009
Føregangar	Geir Knutsen
Etterfylgjar	Gunn Marit Nilsen
Alle verv	stortingsrepresentant (2009–2013) stortingsrepresentant (2013–2017) stortingsrepresentant (2017–2021) ordførar i Båtsfjord (2007–2009) Norsk forsvarsminister (2017–2021) Norsk EØS- og EU-minister (2016–2017)

Han var ordførar i Båtsfjord frå 2007 til han vart vald inn på Stortinget frå Finnmark fylke i 2009. Bakke-Jensen er utdanna innan skipselektronikk frå Hammerfest og Tromsø, og har bakgrunn frå skoleverket og som sjølvstendig næringsdrivande ekspeditør for Båtsfjord lufthamn.

Ordførar

Bakke-Jensen vart vald som ordførar i 2007, trass i at Arbeidarpartiet fekk 54,7 prosent av stemmene og ni av femten representantar i kommunestyret. Etter nominasjonsvalet hadde fleire Ap-nominerte trekt seg frå lista, og når valet var gjennomført var to av utbrytarane vald inn. Ein av utbrytarane møtte ikkje på det konstituerande møtet, men det viste seg at også det første varamedlemmet braut ut. Jensen vart dermed vald med Høgres fire, Framstegspartiets to representantar i tillegg til dei to møtande utbrytarane frå Arbeidarpartiet. Som ordførar ivra Bakke-Jensen mellom anna for at Båtsfjord skulle få eigen vidaregåande skole, drifta av kommunen sjølv.

Stortingskomitear

• 2009–2013: medlem i Næringskomiteen