Geir Pollestad

Geir Pollestad (fødd 13. august 1978 på Nærbø) er ein norsk jurist og politikar for Senterpartiet. Sidan 4. august 2023 har han vore landbruksminister i Regjeringa Støre.^[1]

Geir Pollestad
Fødd	13. august 1978 (47 år) Nærbø
Statsborgar av	Noreg
Parti	Senterpartiet
Yrke	politikar, jurist
Utdanna ved	Juridisk fakultet ved UiB Det juridiske fakultetet ved Universitetet i Bergen
Alle verv	statssekretær (2008–2008) stortingsrepresentant (2017–2021) varamedlem i Europarådets parlamentariske forsamling (2009–2012) vararepresentant til Stortinget (2001–2005) vararepresentant til Stortinget (2005–2009) vararepresentant til Stortinget (2009–2013) stortingsrepresentant (2013–2017) stortingsrepresentant (fast møtande vararepresentant, 2009–2012) statssekretær (2008–2009) statssekretær (2012–2013) stortingsrepresentant (2021–) Norsk landbruksminister (2023–2025)

Karriere

Geir Pollestad er utdanna jurist ved Universitetet i Bergen og har tidlegare studert økonomi og administrasjon ved Høgskolen i Stavanger. Han har vore aktiv i Senterungdommens landsforbund og sat frå 2001 til 2003 som politisk nestleiar. Frå 2003 til 2005 var han visepresident i Nordiska Centerungdommens Förbund som representant for Senterungdommen.

Ved Stortingsvalet i 2005 var Pollestad tredjekandidat for Hordaland Senterparti.

Han var frå september 2007 politisk rådgjevar for Åslaug Haga i Olje- og energidepartementet. Han kom frå stilling som politisk rådgjevar i Kommunal- og regionaldepartementet, der han hadde arbeidd frå januar 2007.