Glen Campbell

Glen Travis Campbell (22. april 1936–8. august 2017) var ein USA-amerikansk rock- og countryartist, gitarist, låtskrivar, programleiar og stundom skodespelar. Han er mest kjend for ei rekkje hittar i 1960- og 1970-åra, og som vert for eit musikk- og komishow kalla The Glen Campbell Goodtime Hour på CBS frå 1969 til 1972.

Glen Campbell
Campbell i 1967
Fødd	22. april 1936 (89 år)
Fødestad	Delight, Arkansas, U.S.
Død	8. august 2017
Dødsstad	Nashville
Fødenamn	Glen Travis Campbell
Opphav	USA
Aktiv	1958–2013
Sjanger	Country rock folk pop gospel
Instrument	vokal gitar banjo bass sekkepipe[1]
Tilknytte artistar	The Champs The Beach Boys Bobbie Gentry Anne Murray Jimmy Webb John Hartford Jerry Reed Kingston Trio
Plateselskap	Capitol Atlantic MCA Liberty Surfdog Records New Haven
Verka som	Musikar låtskrivar actor
Prisar	Grammy Lifetime Achievement Award, Grammy Award for Best Country Song, Grammy Award for Best Contemporary (R&R) Performance, Grammy Award for Best Male Pop Vocal Performance, Grammy Award for Best Country & Western Recording, Grammy Award for Best Male Country Vocal Performance, Grammy Award for Best Male Pop Vocal Performance, Grammy Award for Album of the Year, Country Music Association Award for Entertainer of the Year, Favorite Country Single, American Music Award for Favorite Country Album, Grammy Hall of Fame Award, Grammy Hall of Fame Award, Grammy Hall of Fame Award, Grammy Lifetime Achievement Award, stjerne på Hollywood Walk of Fame, Arkansas Entertainers Hall of Fame, Country Music Hall of Fame inductee

Gjennom 50 år i underhaldningsindustrien gav Campbell ut meir enn 70 album. Han selde 45 millionar plater og fekk i alt 12 gullplater, fire platinaplater og ei dobbelplatinaplate. Han hadde i alt 80 songar inne på anten Billboard Country-lista, Billboard Hot 100 eller Adult Contemporary-lista, og av desse nådde 29 av dei topp 10 og ni av dei har nådd toppen av ei av listene. Dei største hittane hans er John Hartford sin «Gentle on My Mind»; Jimmy Webb sin «By the Time I Get to Phoenix», «Wichita Lineman» og «Galveston»; Larry Weiss sin «Rhinestone Cowboy» og Allen Toussaint sin «Southern Nights».

Campbell vart historisk i 1967 då han vann i alt fire Grammy-prisar i country- og popkategoriar.^[2] For «Gentle on My Mind» fekk hann to prisar i sjangeren country og «By the Time I Get to Phoenix» gjorde det same i popkategorien. Tre av dei tidelgare hittane hans vann Grammy Hall of Fame Award (2000, 2004, 2008), medan Campbell sjølv har fått Grammy Lifetime Achievement Award i 2012. Han har blitt kåra til årets mannlege vokalist hos både Country Music Association (CMA) og Academy of Country Music (ACM), og fekk prisen årets underhaldar av CMA i 1968. I 1969 spelte Campbell i lag med John Wayne i filmen True Grit, som Campbell vart nominert til Golden Globe for i kategorien beste nykommar. Campbell song tittelsongen som vart nominert til Oscarprisen.