Glenn Tipton

Glenn Raymond Tipton (fødd 25. oktober 1947) er ein engelsk gitarist og låtskrivar, mest kjend som ein av sologitaristane i heavy metal-bandet Judas Priest. Han er kjend for den komplekse spelestilen og soloane som er inspirerte av klassisk musikk.

Glenn Tipton i 1984

Glenn Tipton
Glenn Tipton i 2005
Fødd	25. oktober 1947 (77 år)
Fødestad	Blackheath i England
Fødenamn	Glenn Raymond Tipton
Opphav	Storbritannia
Aktiv	1968 til i dag
Sjanger	Heavy metal, speed metal, hardrock
Instrument	Gitar, vokal, klaverinstrument
Tilknytte artistar	Judas Priest, The Flying Hat Band
Plateselskap	Columbia, Atlantic
Verka som	Musikar, låtskrivar

Tipton lærte seg først å spele gitar då han var 19 år gammal og det første bandet hans var Shave Em' Dry, som vart Merlin og så Flying Hat Band. I mai 1974 kom Tipton med i Judas Priest, under innspelinga for Rocka Rolla. Tipton har vore med i Judas Priest sidan den gongen.

Utmerkingar og tilvisingar

• Han vart rangert på 19. plassen på lista til rockemagasinet Hit Parader over dei 100 beste metal-gitaristane.
• Han vart rangert på 28. plassen på lista til Gigwise over dei 50 beste gitaristane.^[1]
• Han vart rangert på niandeplassen på lista til MusicRadar over dei 20 beste metal-gitaristane gjennom tidenen.^[2]
• Han vart rangert på 25. plassen på lista til Joel Mclver over dei 100 beste metal-gitaristane.^[3]
• Sun Kil Moon gav ut ein song kalla «Glenn Tipton» på albumet Ghosts of the Great Highway.
• I det populære videospelet Guitar Hero II, er det ein spelbar karakter kalla Izzy Sparks, som har klede som liknar dei Glenn Tipton nytta under Screaming for Vengeance-turneen i 1983.
• Kerry King i Slayer har sagt at Tipton er ein av dei mest undervurderte gitaristane i verda og at Tipton var ein av dei første inspirasjonskjeldene hans.^[4]
• Dave Mustaine: «Glenn Tipton er min gitarhelt. Eg kjøpte til og med ein Fedora-hatt fordi eg såg Glenn Tipton med ein sånn i Sad Wings of Destiny-tida. Men eg såg ikkje like kul ut som han.»

Diskografi

Solo

• Baptizm of Fire (1997)
• Edge of the World (2006)

Judas Priest

Sjå Judas Priest for den komplette lista over Judas Priest-album. Tipton spelte gitar på alle albuma deira.

Som gjesteartist

• Gjestemusikar i 1995 på albumet Foma av post-grunge-bandet The Nixons.
• Songen «Spirit of America» av Samantha Fox.
• Glenn spelte inn gitar for videospelet Brütal Legend.