Goats Head Soup

Goats Head Soup er eit album av The Rolling Stones frå 1973. Det vart spelt inn som ein oppfølgjar til det kritikarroste Exile on Main St. Goats Head Soup hadde ein meir polert produksjon enn det rå og skranglete Exile. Musikken inneheldt den særeigne rockestilen til Stones, men no òg med element av soul-pop og funk. Den kanskje best kjende songen på albumet er «Angie», som vart ein stort hit verda over.

Goats Head Soup Studioalbum av The Rolling Stones
Språk	engelsk
Utgjeve	31. august 1973
Innspelt	25. november–21. desember 1972 og 23. mai–20. juni 1973 i Dynamic Sound Studio i Kingston på Jamaica, utanom «Hide Your Love» som var spelt inn i De Doelen i Rotterdam i Nederland, sommaren 1973
Sjanger	Bluesrock
Lengd	46:56
Selskap	Rolling Stones
Produsent	Jimmy Miller
The Rolling Stones-kronologi
Exile on Main St. (1972)	Goats Head Soup	It's Only Rock 'n Roll (1974)
Singlar frå Goats Head Soup
«Angie» Utgjeve: 20. august 1973 «Doo Doo Doo Doo Doo (Heartbreaker)» Utgjeve: Desember 1973

Meldingar
Karakter
Kjelde	Karakter
AllMusic	[1]
Robert Christgau	B[2]
The Great Rock Discography	6/10[3]
MusicHound	2/5[4]
NME	6/10[5]
Q	[5]
The Rolling Stone Album Guide	[6]
Stylus	positiv[7]
Virgin Encyclopedia of Popular Music	[3]

Historie

Innspeling

Innspelinga av albumet starta så tidleg som 1970. To songar, «Silver Train» og «Hide Your Love», kom frå desse tidlege innspelingane og dukka opp att i november 1972 då bandet flytta til Kingston på Jamaica og Dynamic Sound Studios. Gitaristen Keith Richards sa i 2002, «Jamaica var eit av få land der alle fekk kome inn! På denne tida var Sveits det einaste landet eg kunne opphalde meg i, og det var ein kjedeleg stad for eg likte ikkje å stå på ski. Det var ni land eg ikkje fekk kome inn i.»^[8]

Den første songen som vart spelt inn i Dynamic var «Winter», som sologitaristen Mick Taylor har sagt starta med berre Mick Jagger på gitar i studio og at resten kom inn etter kvart.^[9]

Første singelen frå albumet, «Angie», var eit upopulært val som første singel hos Atlantic Records. Dei ønskte seg ein ny «Brown Sugar» og ikkje ein ballade.^[8] I motsetnad til kva mange trur, så handla ikkje songen om den første kona til David Bowie, Angela, men om dotter til Richards, Dandelion Angela, som var nyfødd då.^[10]

Trass i den tilbakelente stilen har mange av songane på Goats Head Soup ei mørk kjensle ved seg, som opningssongen «Dancing With Mr. D» (D som i death eller død) og singelen «Doo Doo Doo Doo Doo (Heartbreaker)», som kritiserer New York-politiet for å ha skote ein ti år gammal person ved eit uhell.

Dette var det siste Rolling Stones-album produsert av Jimmy Miller, som hadde arbeidd med bandet sidan Beggars Banquet i 1968. Miller utvikla eit narkotikamisbruk i løpet av åra han var med bandet.

I tillegg til dei offisielle bandmedlemmane spelte mellom andre Billy Preston, Nicky Hopkins og Ian Stewart på albumet.

Innspelinga vart gjort ferdig i januar 1973 i Los Angeles og mai 1973 i Olympic Sound Studios i London.

Utgjeving

Singelen «Angie» kom ut før albumet og gjekk til topps verda over. Goats Head Soup kom ut seint i august 1973 og vart òg ein bestseljar som gjekk til førsteplass i mange land. The Rolling Stones la ut på turne i 1973 i Europa.

Albumet fekk variabel mottaking av musikkpressa. I dag vert Goats Head Soup generelt rekna som albumet som markerte slutten på «gullalderen» til the Stones. Jagger starta for fullt eit jetsett liv som rockestjerne, medan Richards vart meir og meir påverka av narkotikaproblema sine.^[11] Albumet vert ofte rekna for å mangle energien og gnisten i dei tidlegare albuma, men vart ein bestseljar som mellom anna selde til trippel platina i USA.

Innhald

Side ein

Nr.	Tittel	Lengd
1.	«Dancing with Mr. D»	4:53
2.	«100 Years Ago»	3:59
3.	«Coming Down Again»	5:54
4.	«Doo Doo Doo Doo Doo (Heartbreaker)»	3:27
5.	«Angie»	4:33

Alle spor skrivne av Mick Jagger og Keith Richards

Side to

Nr.	Tittel	Lengd
6.	«Silver Train»	4:27
7.	«Hide Your Love»	4:12
8.	«Winter»	5:31
9.	«Can You Hear the Music?»	5:31
10.	«Star Star»	4:25

Medverkande

The Rolling Stones

• Mick Jagger – solovokal (alle utanom 3), korvokal (1, 3, 4, 6, 9, 10), elektrisk gitar (6, 8), munnspel (6), piano (7)
• Keith Richards – elektrisk gitar & korvokal (1, 3, 4, 6, 9, 10), bassgitar (2, 4, 6, 7), akustisk gitar (5), solovokal (3)
• Bill Wyman – bassgitar (5, 8-10)
• Charlie Watts – trommer (alle spor)
• Mick Taylor – elektrisk gitar (1, 2, 4, 6-10), korvokal (4, 6), bassgitar (1, 3), akustisk gitar (5)

Andre medverkande

• Nicky Hopkins – piano (1, 3, 5, 8, 9)
• Billy Preston – clavinet (2, 4), piano (4)
• Ian Stewart – piano (6, 10)
• Bobby Keys – tenorsaksofon (3, 4, 7, 10)
• Jim Horn – altsaksofon (3, 4), fløyte (9)
• Chuck Findley – trompet (4)
• Jim Price – blåsearrangement (4)
• Nicky Harrison – strykararrangement (5, 8)
• Anthony «Rebop» Kwaku Baah – perkusjon (1, 9)
• Pascal (Nicholas Pascal Raicevic) – perkusjon (1, 9)
• Jimmy Miller – perkusjon (9)

Teknisk

• Sjefsteknikar og miksar – Andy Johns.
• Assisterande lydteknikarar – Carlton Lee, Howard Kilgour and Doug Bennett.
• Fotografi og design av David Bailey.

Salslister

Vekeslister Liste (1973–74) Plassering Australske Kent Music Report[12] 1 Den austerrikske albumlista[13] 5 Kanadiske RPM-lista[14] 1 Den nederlandske albumlista[15] 1 Den franske SNEP-lista[16] 1 Den italienske albumlista[17] 8 Den japanske Oricon-lista[18] 7 Noreg - VG-lista[19] 1 Den spanske albumlista[20] 1 Den svenske albumlista[21] 2 UK Albums Chart[22] 1 US Billboard 200[23] 1 Den vesttyske Media Control-lista[24] 2

Årslister Liste (1973) Plassering Den australske albumlista[12] 17 Den nederlandske albumlista[25] 12 Den franske albumlista[26] 13 Den italienske albumlista[17] 19 Liste (1974) Plassering Den australske albumlista[12] 17 US Billboard 200[27] 84 Salstrofé Region Salstrofé Salstal Frankrike (SNEP)[28] Gull 320,700[29] Storbritannia (BPI)[30] Gull 100 000^ USA (RIAA)[31] 3× Platina 3 000 000^

Bakgrunnsstoff

• Goats Head Soup på RollingStones.com