Goodbye Blue Sky

«Goodbye Blue Sky» er ein song av det britiske bandet Pink Floyd laga av Roger Waters. Songen vart gjeven ut på albumet deira The Wall i 1979.

Goodbye Blue Sky Song av Pink Floyd frå albumet The Wall
Utgjeve	30. november 1979
Innspelt	April-november 1979
Sjanger	Progressiv rock
Lengd	2:45
Selskap	Harvest Records (UK), Columbia Records (US)/Capitol Records (US)
Tekstforfattar	Roger Waters
Låtskrivar(ar)	Roger Waters
Produsent	Bob Ezrin, David Gilmour, James Guthrie og Roger Waters

Komposisjon

Songen er forholdsvis roleg, men tonen endrar seg fleire gonger gjennom songen. I introduksjonen kan ein høyre ei uskuldig barnestemme som seier «Look, mummy, there's an aeroplane up in the sky!». Denne delen av songen er roleg, men vert brått meir skummel. Kort etter denne endringa startar tekstpartia. Songen har visse likskapstrekk med songen «Grantchester Meadows» frå Ummagumma.

Plot

Som dei andre songane på The Wall fortel «Goodbye Blue Sky» ein del av historia om hovudpersonen Pink. Songen forklarar depresjonen til Pink som eit resultat av at han voks opp i ei etterkrigsverd med berre den oververnande mora hans til å ta seg av han. Han skildrar òg at Pink er lei seg for at den barndomen han skulle hatt, vart tatt bort frå han sjølv før han vart fødd. Vi får så vite at han reiser til USA og blir ei rockestjerne, der han og kjærasten hans giftar seg.

Filmversjonen

I filmversjonen er denne delen animert av Gerald Scarfe. Den viser ei due som eksploderer til ei nazistisk ørn, som grip jorda og etterlater eit spor av blod. Ho glir over England og dannar ein krigsherre som spyr ut fly. Ein kan sjå nakne personar med gassmasker som gøymer seg frå faren («the frightened ones») og eit engelsk flagg som vert omforma til ein blodig kross. Dette er ein av dei mest dramatiske animasjonssekvensane i filmen. I motsetnad til albumet, kjem denne sekvensen etter «When the Tigers Broke Free», del 2.

Medverkande

• David Gilmour – solo- og harmonivokal, akustisk gitar, bassgitar, Prophet-5
• Roger Waters – EMS VCS 3
• Richard Wright – Prophet-5

med:

• Harry Waters – barnestemme

Personell per Fitch og Mahon.^[1]

Coverversjonar

• Ann Wilson i 2007 på albumet Hope & Glory, er det ein versjon med systera Nancy. Bandet til systrene Heart, har òg gjeve ut eit konsertopptak av songen på Dreamboat Annie Live.
• The Future Sound of London laga ein versjon av songen kalla «Goodbye Sky».
• Det alternative metallbandet System of a Down og Yes har òg spelt songen fleire gongar på konsertar.