Gorbea

Gorbea eller Gorbeia er eit fjell og eit massiv i regionen Baskarland i Spania. Fjellet er det høgaste i provinsane Bizkaia og Alava med ei høgd på 1481 meter over havet. Massivet dekkjer eit stort område i dei to provinsane. Hovudfjellet er ein rund grasdekt fjelltopp med ein 20 meter høg metallkross, som er reist for å nå over 1500 meter over havet. Andre fjell i massivet er Lekanda (1301 moh) og Aldamin.

Gorbea
fjell
Land	Spania
Region	Bizkaia/Alava
Fjellkjede	Baskarfjella
Høgd	1 481 moh.
Primærfaktor	867 m
Lettast tilkomst	Frå Pagomakurre (900 m)
Koordinatar	43°02′06″N 2°46′48″W
Gorbea 43.035°N 2.7798805555556°W / 43.035; -2.7798805555556
Wikimedia Commons: Gorbeia

Delar av massivet grensar til det høge karstplatå Itxina, eit intrikat landskap av kalkstein med mange sjakter og grotter, som Supelegor.

Heile massivet er ein del av ein naturpark på 200 km² oppretta av dei baskiske styresmaktene i 1994 for å bevare den lokale bøka og eika, samt villsvin og hjort.

Kjelder

• Denne artikkelen bygger på «Gorbea» frå Wikipedia på engelsk, den 15. mai 2009.