Grip

Grip er eit lite fiskevær rett nord for Kristiansund og vestanfor Smøla og Tustna på Nordmøre. Grip vart oppretta som eigen kommune i 1897, men vart i 1964 innlemma i Kristiansund kommune. Grip var den minste kommunen i landet etter folketal. Ved samanslåinga var det 104 menneske som budde på Grip.^[1] Dei siste fastbuande flytte frå øya i 1974. No er det ingen fastbuande på øya, men ho er mykje brukt som ferieplass om sumaren.

Utsikt mot Grip.

Foto: Frode Inge Helland, 1967

Gateparti frå Grip.

Foto: Frode Inge Helland, 1967

Grip
øy
Land	Noreg
Fylke	Møre og Romsdal
Kommune	Kristiansund kommune
Grip 63.216666666667°N 7.6°E / 63.216666666667; 7.6
Wikimedia Commons: Grip (archipelago)

Grip er mellom anna kjend for sitt historiske minnesmerke Grip kyrkje, ei stavkyrkje som vart bygd ein gong på 1400-talet. Her er òg eit fyrtårn som vart bygt i 1888.

Folketalsutvikling

Folketalsutvikling for tidlegare Grip kommune frå 1801 til 1964:

1801[2]	1.1.1897[1]	1910[3]	1.12.1920[4]	1.12.1930[5]	3.12.1946[5]	1.1.1951[6]	1.1.1961[6]	1.1.1964[1]
167	198	187	242	270	224	191	132	104