Grosgrain

Grosgrain er eit tjukt, sterkt stoff med ein ribba overflate.^[1][2] Det er ein tett vevnad i lerretsbinding med ribber danna på tvers av stoffet av di innslaget er tyngre enn renninga.^[3][4] Ordet «grosgrain» kjem frå fransk gros grain, 'grov struktur'.^[5]

Nærbilde av eit stykke grosgrain-band. Ribbene på tvers av lengda til bandet er det som kjenneteikner stoffet.

Grosgrain-band i ulike fargar og breidder.

Grosgrain blir typisk laga med renning av silke eller kunststoff som rayon.^[6] Til innslag kan ein bruka same type stoff eller eit anna, som bomull. Ein kan også laga heile stoffet i bomull.^[7]

Stoffet blir ofte laga i smale band, men kan også vera breiare. Det blir mykje brukt som hatteband, men kan også brukast til slips, kanting og dekorasjon.^[7]

Galleri

• 
  Brodert vest i grosgrain
• 
  Brodert kappe i grosgrain
• 
  Del av ein kjole i grosgrain
• 
  Dommarkappe i grosgrain
• 
  Damesko i grograin
• 
  Mannshatt med band av grosgrain
• 
  Sjukepleiararmband i grosgrain
• 
  Medaljeband i grosgrain
• 
  Medaljeband
• 
  Brodert veske med handtak i grosgrain

Sjå òg

• Grogram