Guangzhou

Guangzhou er ein av dei viktigaste av storbyane i Kina. Guangzhou er hovudstad i provinsen Guangdong ved kysten mot Sørkinahavet. Provinsen omfattar eigentleg og dei særskilte administrative regionane Hongkong og Macao.

Guangzhou 广州, Guǎngzhōu
Canton, Kanton
by
Land	Folkerepublikken Kina
Provins	Guangdong
Høgd	11 m
Areal	7 248,86 km²
Folketal	18 676 605 (2020)
Tidssone	UTC + 8 (UTC+8)
Postnummer	510000
Retningsnummer	20
Bilnummer	A
Guangzhou 23.13°N 113.26°E / 23.13; 113.26
Wikimedia Commons: Guangzhou
Nettstad: gz.gov.cn

Folketalet innanfor bygrensene var i 2004 omtrent 3 244 000, men heile storbyområdet har 6,66 millionar innbyggarar, noko som gjer det til det tredje folkerikaste i Kina.

Den økonomiske veksten i byen og i heile området på båe sider av munningen til Perleelva heilt ned til Hongkong og Macao har vore kraftig. Den økonomiske veksten i byen var til dømes 6,5 % i 2018.^[1] Dei største eksportmessene i Kina finn stad i Guangzhou, éi om våren og éi om hausten.

Historie

Namnet Jiangsu med forenkla kinesisk skrift øvst og tradisjonell kinesisk nedst.

Busettinga i området går tilbake til 800-talet fvt. Under Qin-dynastiet var Guangzhou hovudstad for prefekturet Nanhai ('Sørhavet'). Under Han-dynastiet var Guangzhou ei stund hovudstad i kongedømmet Nanyue. Lenge vart Guangzhou kalla utgangspunktet for «havets silkeveg». Byen hadde handelssamband med heile det sørasiatiske området, så langt vestover som til India og Arabia.

Mellom 1757 og 1842 var Guangzhou den einaste handelshavna der utlendingar kunne få kontraktfesta tilgang til å etablere handelshus. Mellom andre Sverige og Danmark-Noreg etablerte slike hus. Det første svenske handelsskipet «Friedericus Rex Sueciae» kom første gonge til Guangzhou allereie i 1732.

Kultur

Guangzhou var tidlegare kjend som «Kanton» i Vesten, og dette har gjeve opphav til fleire nemningar: Det kinesiske språket kantonesisk som blir tala i området og er morsmål for rundt halvparten av innbyggjarane i byen,^[2] og kantonesisk mat, ein hovudretning innan kinesisk matlaging som byen lenge var hovudsete for.

Styresmakter

Leiaren for lokalavdelinga av Kinas kommunistparti er Zhang Shuofu, og borgarmeisteren er Wen Guohui (2020).