Gunvor

Gunnvor og Gunvor er skandinaviske kvinnenamn avleidd frå norrøne Gunnvǫr, som er sett saman av namnedelane gunnr, 'strid' og kanskje várr, 'var, forsiktig'. Gunvor har namnedag i Sverige den 3. mars og i Noreg den 3. april.

Gunvor G. Ericson, svensk riksdagspolitikar.

Foto: Miljöpartiet de Gröna

Gunvor Eldegard, norsk stortingspolitikar.

Foto: Jarle Vines

Bruk

Namnet finst som Gunvar på runesteinar, og blei igjen teke i bruk i Skandinavia på 1800-talet.

Gunvor var eit mykje brukt namn for norske jentebarn på 1910- og 1920-talet, då det blei brukt for rundt 1,2 % av jentebarn. I 2009 var det 5 596 kvinner som heitte Gunvor og 702 som heitte Gunnvor i Noreg.

Namneberarar

• Gunvor Mjelva (1902-1988), norsk pianist og operasongar
• Gunvor Winberg (1907–1979), svensk skodespelar
• Gunvor Hall (1908–1961), norsk skodespelar
• Gunnvor Advocaat (1912–1997), norsk bildekunstnar
• Gunvor Galtung Haavik (1912–1977), norsk ambassademedarbeidar i Moskva, arrestert for spionasje
• Gunvor Svensson Lundkvist (f. 1916), svensk kunstnar
• Gunvor Hofmo (1921–1995), norsk diktar
• Gunvor Stornes (f. 1924), norsk lyrikar
• Gunvor Pontén (f. 1929), svensk skodespelar
• Gunvor Margaret Schnitler (f. 1930), norsk politikar (H)
• Gunvor Gjessing (f. 1932), norsk journalist
• Gunvor Risa (f. 1943), fyrsteamanuensis i norsk
• Gunvor Hals (f. 1953), programvert i NRK Fjernsynet
• Gunvor G. Ericson (f. 1960), svensk riksdagsrepresentant for Miljöpartiet de Gröna
• Gunvor Eldegard (f. 1963), norsk stortingsrepresentant for Arbeidarpartiet
• Gunvor Ulstein (f. 1969), norsk konsernsjef