Haggis

Haggis ['hægıs] er ein skotsk matrett som er laga av innmat av får blanda med løk, havregryn og krydder og kokt i ein dyremage.

Sjå òg punkbandet Haggis.

Haggis

«Haggis with neeps and tatties», ein tallerken haggis med kålrabi- og potetstappe.

Ukokt haggis

Foto: Kaihsu Tai

Haggis blir vanlegvis servert med «neeps and tatties» (kålrabi- og potetstappe). Elles kan haggis i lag med blant anna blodpølse, steikt egg og flesk inngå i den solide skotske frukosten, ofte marknadsført som highland breakfast.

Ein kan i dag kjøpa haggis på butikkar i Skottland og fleire andre delar av Storbritannia året rundt. Slik haggis blir gjerne laga i ulike plasthaldarar i staden for med ekte magesekkar, på same måte som masseproduserte pølser no sjeldan blir laga med tarmar. Haggisen kan også seljast som hermetikk. Ein finn i dag også haggis laga av griseinnmat heller enn får, og vegetarisk haggis, der kjøtet er erstatta med grønsaker eller belgfrukter.

Tradisjonar

Fair fa' your honest, sonsie face, Great chieftain o' the puddin-race! Robert Burns «Address to a haggis»

Den skotske nasjonaldiktaren Robert Burns skreiv eit hyllingsdikt, «Address to a Haggis», som tilhengjarar gjerne les i samband med Burns-dagen 25. januar, der dei også gjerne et haggis.

Sjå òg

• Hakkemat— norsk parallell til haggis.
• Goetta — amerikansk havrepudding, med innmat frå gris og storfe (Ohio og Kentucky)
• Kishkes — askenasisk innmatspudding
• Morrpølse — norsk lammeinnmatrett
• Pölsa — ein svensk innmatrett
• Saumagen — fylt svinemage, ein tysk innmatrett
• Scrapple — amerikansk maispudding med slakterestar av svinehovud og innmat (Pennsylvania)

Kjelder

• Denne artikkelen bygger på «Haggis» frå Wikipedia på engelsk, den 21. september 2008.

Bakgrunnsstoff

Commons har multimedium som gjeld: Haggis

• «Address to a Haggis» Arkivert 2004-06-20 ved Wayback Machine. av den skotske nasjonaldiktaren Robert Burns
• Trua på villhaggisen
• Haggisjakt Arkivert 2003-12-30 ved Wayback Machine.