Haida

Haida er eit nordamerikansk urfolkspråk som blir snakka av mellom 50 og 60 haidafolk på den kanadiske øygruppa Haida Gwaii i Britisk Columbia i Canada, og i sørlege Alaska (på Prince-of-Wales-øya, Hydaburg og Ketchikan). Alle haidatalarane er over 60 år. Det finst omtrent 2000 haidafolk. Namnet kjem frå ordet xayda, som på haida tyder ‘person’ eller ‘menneske’.

Haida X̱aat Kíl, X̱aadas Kíl, X̱aayda Kil, Xaad kil
Klassifisering	isolert språk
Bruk
Tala i	Canada og USA
Område	Haida Gwaii, Prince of Wales Island
Haidatalande i alt	270 (folketeljing 2001[1]
Skriftsystem	Det latinske alfabetet
Offisiell status
Offisielt språk i	Council of the Haida Nation
Normert av	Nei
Språkkodar
ISO 639-2	hai
ISO 639-3	hai
Utbreiing av haida-språket.

Slektskap

Sidan midten av 1800-talet har det vore ein teori om eit slektskap mellom haida, tlingit, eyak og dei atabaskiske språka. Denne gruppa blei av Edward Sapir i 1915 kalla na-dené-språk. Joseph Greenberg tok dei i 1987 med i boka si Language in the Americas. Nyare arbeid ser på desse språka meir som eit sprachbund enn som ein språkfamilie.