Hamish Imlach

Hamish Imlach (10. februar 1940–1. januar 1996) var ein skotsk folkemusikksongar.^[1] Imlach var fødd i Calcutta av skotske foreldre,^[1] men dei flytta tilbake til Glasgow då han var liten.^[2] Han hadde avgrensa kommersiell suksess, men påverka mange andre artistar, ikkje minst John Martyn, Billy Connolly og Christy Moore. Imlach hadde eit godt omdøme i Sentral- og Nord-Europa som ein fengande liveartist.

Hamish Imlach
Fødd	10. februar 1940
Fødestad	Kolkata
Død	1. januar 1996 (55 år)
Dødsstad	Motherwell
Opphav	Storbritannia
Sjanger	vise
Instrument	gitar
Plateselskap	Transatlantic Records
Verka som	songar-låtskrivar, gitarist

Karriere

Imlach hadde den største hitten sin seint på 1960-talet med «Cod Liver Oil and the Orange Juice», ei humoristisk tolking av gospelstandarden «Virgin Mary Had a Little Baby», skriven av Ron Clark og Carl MacDougall.^[3] Denne gav tittel til sjølvbiografien hans frå 1992, Cod Liver Oil and the Orange Juice - Reminiscences of a Fat Folk Singer.

Imlach blei beden om å bli med i den irske folkegruppa The Dubliners.^[2] Han var ein tidleg aktivist mot atomvåpen,^[1] og skreiv og framførte mange protestsongar i tillegg til komiske songar.

Utgjevingar

• Hamish Imlach (XTRA, 1966)
• Before and After (XTRA, 1967)
• Live (XTRA, 1967)
• The Two Sides of Hamish Imlach (XTRA, 1968)
• Ballads of Booze (XTRA, 1969)
• Old Rarity (XTRA, 1971)
• Fine Old English Tory Times (XTRA, 1972)
• Murdered Ballads (XTRA, 1973)
• Scottish Sabbath (Autogram, 1976)
• A Man's a Man (Autogram, 1978) med Iain MacKintosh
• The Sporting Life (Musikiste, 1981)
• Sonny's Dream (Lismor, 1985)
• Portrait (Musikiste, 1989)
• I Was Born in Glasgow (Gallus Music, 1991)
• Two's Company (Vindaloo Music, 1993) med Muriel Graves
• More and Merrier (Lochshore, 1995) med Muriel Graves og Kate Kramer