Hard Promises

Hard Promises er det fjerde studioalbumet av Tom Petty and the Heartbreakers utgjeve i mai 1981.

Hard Promises Studioalbum av Tom Petty and the Heartbreakers
Språk	engelsk
Utgjeve	5. mai 1981
Innspelt	1980–81 i Sound City i Van Nuys, Cherokee Studios i Hollywood, CA og Goodnight i LA
Sjanger	Heartland rock
Lengd	39:33
Selskap	Backstreet
Produsent	Jimmy Iovine, Tom Petty
Tom Petty and the Heartbreakers-kronologi
Damn the Torpedoes (1979)	Hard Promises	Long After Dark (1982)
Singlar frå Hard Promises
«The Waiting» Utgjeve: 20. april 1981 «A Woman in Love (It's Not Me)» Utgjeve: 29. juni 1981

Meldingar
Karakter
Kjelde	Karakter
AllMusic	[1]
Blender
Chicago Tribune	[2]
Robert Christgau	B[3]
The Essential Rock Discography	6/10[4]
MusicHound	[5]
Rolling Stone	(positiv)[6]
The Rolling Stone Album Guide	[7]
Virgin Encyclopedia of Popular Music	[8]

Historie

Arbeidstittelen på albumet var Benmont's Revenge, og syner til klaverspelaren i bandet, Benmont Tench.^[9] Stevie Nicks frå Fleetwood Mac syng ein duett med Petty på «Insider». The Heartbreakers spelte òg inn hitten «Stop Draggin' My Heart Around» for Nicks-albumet Bella Donna samstundes som Hard Promises vart spelt inn.

Dette var det andre Tom Petty-albumet på Backstreet Records. Utgjevinga til albumet vart forseinka medan Petty og distributøren hans, MCA Records, krangla om listeprisen. MCA hadde planar om å gje ut albumet til ein ny og dyrare listepris på 9,98 dollar, etter at dei hadde gjort det same med Steely Dan sitt Gaucho og Olivia Newton-John/Electric Light Orchestra sitt Xanadu. Denne såkalla «superstjerneprisen» var 1 dollar meir enn den vanlege listeprisen på 8,98 dollar.^[10] Petty protesterte og vurderte å kalle albumet Eight Ninety-Eight, eller trekke det heilt attende. MCA valde til slutt å gje det ut til normal pris.^[11]

Under innspelinga av albumet hadde John Lennon bestilt studiotid samstundes. Tom Petty såg fram til å møte han, men det skjedde aldri då Lennon vart myrda før han kom så langt. Som ei hyllest til Lennon fekk bandet markert «WE LOVE YOU JL» på masterkopien av albumet. Fram til i dag står det «WE LOVE YOU JL» på alle dei originale vinylutgåvene av albumet.^[12] Tittelen på albumet kjem frå ei linje i refrenget på «Insider».

Innhald

Side ein

Nr.	Tittel	Lengd
1.	«The Waiting»	3:58
2.	«A Woman in Love (It's Not Me)» (Petty, Mike Campbell)	4:22
3.	«Nightwatchman» (Petty, Campbell)	3:59
4.	«Something Big»	4:44
5.	«Kings Road»	3:27

Alle spor skrivne av Tom Petty, utanom der andre er nemnde.

Side to

Nr.	Tittel	Lengd
6.	«Letting You Go»	3:24
7.	«A Thing About You»	3:33
8.	«Insider»	4:23
9.	«The Criminal Kind»	4:00
10.	«You Can Still Change Your Mind» (Petty, Campbell)	4:15

Medverkande

The Heartbreakers

• Tom Petty – solovokal, 12- & 6-strengs elektrisk & akustisk gitarar, bassgitar & elektrisk piano på «Something Big»
• Mike Campbell – 12- & 6-strengs gitar elektrisk gitarar, autoharpe, trekkspel, harmonium, bassgitar
• Benmont Tench – organ, piano, korvokal
• Ron Blair – bassgitar
• Stan Lynch – trommer, korvokal

Andre musikarar

• Phil Jones – perkusjon på alle spor
• Stevie Nicks – harmonivokal på «Insider», korvokal på «You Can Still Change Your Mind»
• Donald «Duck» Dunn – bassgitar on «A Woman in Love»
• Sharon Celani – korvokal på «You Can Still Change Your Mind»
• Alan «Bugs» Weidel – piano på «Nightwatchman»

Lister

Vekeslister

Liste	Plassering
Australian Album Chart[13]	21
Canadian RPM Album Chart[14]	3
New Zealand[15]	1
Sverige[16]	22
UK Album Chart[17]	32
USA Billboard 200[18]	5

Årslister

Liste (1981)	Plassering
Canadian Album Chart[19]	28
US Billboard Pop Album[20]	49