Heartache Tonight

«Heartache Tonight» er ein song skriven av Don Henley, Glenn Frey, Bob Seger og J.D. Souther, og spelt inn av Eagles. Songen vart spelt inn for albumet The Long Run og gjeven ut som singel i 1979. Han nådde toppen av den amerikanske Billboard Hot 100 i november det året. Han låg berre på toppen av lista i ei veke, men selde 1 million eksemplar. Det var den siste singelen til Eagles som nådde toppen av Hot 100.

Heartache Tonight Singel av Eagles frå albumet The Long Run
B-side	«Teenage Jail»
Utgjeve	18. september 1979
Sjanger	hardrock, bluesrock
Lengd	4:25
Selskap	Asylum
Låtskrivar(ar)	Don Henley, Glenn Frey, Bob Seger og J.D. Souther
Produsent	Bill Szymczyk
Eagles-kronologi
«Please Come Home for Christmas» (1978)	Heartache Tonight	«The Long Run» (1979)

Bandet vann Grammyprisen for beste rockesong av duo eller gruppe. Songen oppstod frå ein elektrisk jam mellom Glenn Frey og J.D. Souther, som vitja Frey heime i Los Angeles når han var i byen. Frey og Souther skreiv det første verset medan dei lytta til Sam Cooke-songar. Under jamminga, ringte Frey til Seger og song han verset. Seger song så refrenget attende til dei. I følgje Frey, «J.D. [Souther], Don og eg skreiv songen ferdig. Ingen tunge tekstar - songen er meir ein leik - og det var det som var meininga.»^[1] Songen er sidan blitt spelt inn ac countryartisten John Anderson på hyllestalbumet Common Thread: The Songs of the Eagles og av Michael Bublé på albumet Crazy Love.

Medverkande

• Glenn Frey: solovokal, rytmegitar
• Don Henley: trommer, korvokal
• Joe Walsh: Slidegitar
• Don Felder: Rytmegitar
• Timothy B. Schmit: bassgitar, korvokal
• Bob Seger: korvokal (ikkje oppført på plateomslaget)

Lister

Liste (1979)	Plassering
U.S. Billboard Hot 100	1
U.S. Adult Contemporary	38
UK Singles Chart	40
Canadian RPM Singlar Chart[2]	1

Conway Twitty-versjonen

Heartache Tonight Singel av Conway Twitty
B-side	«Hello Darlin'»
Utgjeve	August 1983
Innspelt	1.-2. februar 1983 i Sound Stage Studio i Nashville
Sjanger	Country
Lengd	4:17
Selskap	Warner Bros.
Produsent	Jimmy Bowen, Conway Twitty
Conway Twitty-kronologi
«Lost in the Feeling» (1983)	Heartache Tonight	«We Had It All» (1983)

«Heartache Tonight» vart spelt inn fire år seinare av countryartisten Conway Twitty. Han gav songen ut som den andre singelen frå albumet Lost in the Feeling og versjonen hans nådde sjetteplassen på Billboard Hot Country-lista hausten 1983.^[3]

Twitty-versjonen hadde med Osmond-brørne på korvokal.

Lister

Liste (1983)	Plassering
U.S. Billboard Hot Country	6
Canadian RPM Country Tracks	3

Norsk versjon

Eldar Vågan skreiv ein norsk tekst til melodien og kalla han «Hembrent i kvæll». Denne vart spelt inn av Vazelina Bilopphøggers og gjeve ut på albumet 24 timers service i 1980.