Hella-Vangsnes-Dragsvik

Hella-Vangsnes-Dragsvik er eit trekant-ferjesamband over Sognefjorden mellom Hella, Vangsnes og Dragsvik, der Dragsvik-Hella kryssar munninga til Fjærlandsfjorden. Hella låg tidlegare i Leikanger kommune og Dragsvik låg tidlegare i Balestrand kommune. Etter at kommunereforma vart sett i verk i 2020 ligg Hella og Dragsvik no i Sogndal kommune, medan Vangsnes framleis ligg i Vik kommune. Trekantsambandet inngår i Riksveg 13 og er operert av Norled med ferjene MF «Hella», MF «Dragsvik» og MF «Leikanger».

Hella-Vangsnes-Dragsvik
Rutenummer	1046 (Skyss)
Trasé	Hella-Vangsnes-Dragsvik
Ruteform	Trekantsamband
Rutenett	Riksvegferjer i Vestland
Forvaltar	Statens vegvesen
Trafikkselskap	Norled
Oppretta	1956
Tidlegare trasé	Vangsnes-Hella-Dragsvik-Balestrand
Overtok for	Grinde-Vangsnes-Balestrand
Hella-Vangsnes-Dragsvik 61.1957141°N 6.6012657°E / 61.1957141; 6.6012657

Ferjesambandet vart til i 1956 som sambandet Vangsnes-Hella-Dragsvik-Balestrand då det erstatta sambandet Grinde-Vangsnes-Balestrand som fylgje av opninga av ny veg til Hella og nye ferjeanlegg på Hella og Dragsvik. Balestrand vart sløyfa som fast stopp på sambandet i 1985 då Dragsvik var utvida til dobbel ferjekai. Sidan har ein eller annan morgonturen mellom Dragsvik og Hella ofte hatt eit stopp på Balestrand som eit tilbod til lokale pendlarar, sjå Skyss for gjeldande rutetilbod.

Kjelder

• Magnus Helge Torvanger (2008). Frå dampskip til gassferjer : Fjord1 Fylkesbaatane 150 år : 1858-2008. Førde: Selja forlag. s. 81-83. ISBN 978-82-91722-93-1.

Bakgrunnsstoff

• Kristin Ese: «Leikanger-Hella og Vetlefjord-Dragsvik» på nettstaden til Fylkesarkivet i Vestland
• Finn Borgen Førsund: «Dampen og kaia : stoppestader for Fylkesbaatane i Sogn og Fjordane 1858-1998» på nettstaden til Nasjonalbiblioteket