Hole in My Soul

«Hole in My Soul» er ein powerballade av det amerikanske hardrockbandet Aerosmith. Han vart skriven av Steven Tyler, Joe Perry, og den profesjonelle låtskrivaren og mangeårige samarbeidspartnaren til Aerosmith, Desmond Child. Han kom ut som den andre singelen frå Nine Lives i 1997.

Hole in My Soul Singel av Aerosmith frå albumet Nine Lives
B-side	Falling Off
Utgjeve	5. august 1997
Innspelt	1996
Sjanger	Hardrock
Lengd	6:10
Selskap	Columbia
Låtskrivar(ar)	Steven Tyler Joe Perry Desmond Child
Produsent	Kevin Shirley
Aerosmith-kronologi
Falling in Love (Is Hard on the Knees) (1997)	Hole in My Soul	Pink (1997)

Salslister

Songen nådde 51. plassen på Billboard Hot 100, fjerdeplassen på Mainstream Rock Tracks-lista, 29. plassen i Storbritannia og fjerdeplassen i Latvia.

Innhald

Hole in My Soul - gul - 450124

Nr.	Tittel	Lengd
1.	«Hole in My Soul» (LP-versjon)	6:10
2.	«Falling in Love» (Butcher mix)	4:37
3.	«Falling in Love» (Moby Flawed mix)	4:58
4.	«Nine Lives» (Live - 03.1997)	4:07

Hole in My Soul - raud - 450155

Nr.	Tittel	Lengd
1.	«Hole in My Soul» (LP-versjon)	6:13
2.	«Falling in Love» (Moby F**** mix)	5:58
3.	«Falling in Love» (Live)	3:18
4.	«Walk This Way» (Live)	4:04

På konsert

På konsert har Steven Tyler vore kjend for å byta ut nokre linjer med meir dryge tekstar. På ein liveversjon av songen frå albumet A Little South of Sanity syng Tyler «I fuck with my boots on cause you fuck with my head» i staden for teksten til studioversjonen «I sleep with my boots on, but you're still in my head».

Bandet spelte songen mykje på den lange Nine lives-turneen frå 1997-1999, men har nesten aldri spelt den sida.

Musikkvideo

Musikkvideoen var regissert av Andy Morahan^[1] og handla om ein nerdete high school-elev (spelt av Branden Williams), ofte mobba, som ikkje lykkast i å finna den rette jenta. Han bruker sitt vitskaplege geni til å byggja ein kloningsmaskin og skaper ei vakker jente (spelt av Eva Mendes), men ho møter ein annan på ein fest. Han skaper ei jente til som han òg mister til ein fotballspelar (spelt av Seann William Scott). Ein klassekamerat (spelt av Alexandra Holden) oppdagar maskina hans og stoppar han frå å skapa ei anna jente for seg sjølv, og han innser at jenta for han hadde vore der heile tida.