Hot Dog av Led Zeppelin

«Hot Dog» er ein song av det engelske rockebandet Led Zeppelin frå In Through the Out Door i 1979. Det er den einaste songen på albumet der John Paul Jones ikkje er medlåtskrivar. Det er ein lystig melodi gjort som ein country-låt med Elvis Presley-liknande vokal av songaren Robert Plant.

Hot Dog Singel av Led Zeppelin frå albumet In Through the Out Door
A-side	«Fool in the Rain»
Språk	engelsk
Utgjeve	15 August 1979
Innspelt	November–desember 1978
Sjanger	Rock, rockabilly
Lengd	3:17
Selskap	Swan Song
Låtskrivar(ar)	Page/Plant
Produsent	Jimmy Page
Led Zeppelin-kronologi
«Candy Store Rock» / «Royal Orleans» (1976)	Hot Dog

Oversyn

Songen var påverka av amerikansk rockabilly-musikk. Han dukka opp i London under øvingane der, då det var vanleg for dei å spele gjennom gamle Elvis og Ricky Nelson-songar frå 1950-åra.^[1] Elvis hadde faktisk ein song kalla «Hot Dog» som han framførte i filmen Loving You i 1957.

Teksten omhandlar ei jente i Texas som «stal hjarta mitt» og kan ha vore basert på ei verkeleg jente i livet til Plant, men han kalla det ei hyllest til Texas og sinntilstanden deira.

«Hot Dog» vart spela på konsertar av Led Zeppelin i 1979 og 1980.

Songen vart òg gjeven ut som B-side til singelen «Fool in the Rain».

Medverkande

• Robert Plant - vokal
• Jimmy Page - gitarar
• John Paul Jones - bassgitar, klaverinstrument
• John Bonham - trommer

Andre versjonar

• 1993: Dread Zeppelin (Hot & Spicy Beanburger)
• 1996: Ritual Device & Killdozer ("When the Levee Breaks" CD singel)
• 2002: Shawn Amos (In Between)
• 2002: Clumsy Lovers (Under the Covers)