Husbands and Wives av Roger Miller

«Husbands and Wives» er ein song skrive og spelt inn av den amerikanske countrysongaren Roger Miller. Originalen til Miller frå albumet Words and Music, vart gjeve ut i 1966 og vart ein hit på både countrylista og Adult Contemporary-lista, i tillegg til at han gjekk inn på Topp 40 på poplista. Songen har sidan vorte spelt inn av mange andre artistar, som The Everly Brothers, Ringo Starr, ein duett mellom David Frizzell og Shelly West, og av Brooks & Dunn, som nådde toppen av countrylista med versjonen sin i 1988. Neil Diamond har òg spelt songen.

Husbands and Wives Singel av Roger Miller frå albumet Words and Music
B-side	«I've Been a Long Time Leavin' (But I'll Be a Long Time Gone)»
Utgjeve	1966
Sjanger	Country
Lengd	2:23
Selskap	Smash
Låtskrivar(ar)	Roger Miller
Roger Miller-kronologi
«England Swings» (1966)	Husbands and Wives	«You Can't Roller Skate in a Buffalo Herd» (1966)

Innhald

«Husbands and Wives» er ein mellomrask vals i F-dur. Forteljaren observerer eit par som er i ferd med å gjere det slutt («Two broken hearts, lonely, looking like houses / Where nobody lives»). Han meiner så at forholdet deira er spent fordi dei to er for stolte («It's my belief pride is the chief cause in the decline / In the number of husbands and wives»).

Roger Miller-versjonen

Roger Miller spelte inn songen i 1966 for albumet Words and Music,^[1] og gav han ut som den første singelen frå albumet. Singelen nådde Topp 5 på både country- og Adult Contemporary-lista, i tillegg til Topp 40 på Billboard Hot 100. B-sida, «I've Been a Long Time Leavin' (But I'll Be a Long Time Gone)», nådde 13. plass på countrylista.^[2]

Lister

Liste (1966)	Plassering
U.S. Billboard Hot Country Singles	5
U.S. Billboard Hot 100	26
U.S. Billboard Hot Adult Contemporary Tracks	2
Kanadiske RPM Top Singles	14
Kanadiske RPM Adult Contemporary	10

David Frizzell- og Shelly West-versjonen

Husbands and Wives Singel av David Frizzell og Shelly West frå albumet Carryin' On the Family Names
Utgjeve	1981
Sjanger	Country
Lengd	2:39
Selskap	Warner Bros.
Produsent	Snuff Garrett, Steve Dorff
David Frizzell og Shelly West-kronologi
«A Texas State of Mind» (1981)	Husbands and Wives	«Another Honky-Tonk Night on Broadway» (1982)

David Frizzell og Shelly West spelte inn songen i 1981 for duettalbumet deira Carryin' On the Family Names, og gav han ut som den tredje og siste singelen frå albumet. Versjonen deira nådde Topp 20 på countrylista.

Lister

Liste (1981)	Plassering
U.S. Billboard Hot Country Singles	16
Canadian RPM Country Tracks	38

Brooks & Dunn-versjonen

Husbands and Wives Singel av Brooks & Dunn frå albumet If You See Her
B-side	«How Long Gone»
Utgjeve	28. september 1998
Sjanger	Country
Lengd	3:10
Selskap	Arista 13143
Produsent	Don Cook, Kix Brooks, Ronnie Dunn
Brooks & Dunn-kronologi
«How Long Gone» (1998)	Husbands and Wives	«I Can't Get Over You» (1999)

Country-duoen Brooks & Dunn spelte songen i 1998 for albumet If You See Her. Med solovokal frå Ronnie Dunn,^[3] gav dei songen ut som den tredje singelen frå albumet og han nådde toppen av countrylista i desember 1998. Han nådde òg 36. plass på Billboard Hot 100.

Lister

Liste (1998)	Plassering
Canada Country Tracks (RPM)[4]	2
US Billboard Hot 100[5]	36
US Country Songs (Billboard)[6]	1