Huy

Huy (vallonsk Hu, nederlandsk Hoei) er ein kommune i Belgia. Han ligg i Vallonia i provinsen Liege. Huy ligg ved elva Meuse, ved munningen til den vesle elva Hoyoux. Han ligg i sillon industriel, det tidlegare industriområdet i Vallonia, der om lag ein tredjedel av innbyggjarane i regionen bur.

Huy
by
Flagg Våpenskjold
Land	Belgia
Region	Vallonia
Provins	Liège
Areal	47,74 km²
Folketal	21 293 (1. januar 2018)[1]
Postnummer	4500
Retningsnummer	085
Huy 50.516666666667°N 5.2333333333333°E / 50.516666666667; 5.2333333333333
Wikimedia Commons: Huy

Huy oppstod som ein romersk castrum og tidleg i mellomalderen var Huy ein av dei mest velståande byane ved Maas. På 900-talet fekk Huy status som grevskap, men vart snart ein del av fyrstbispedømet Liège for dei neste åttehundre åra.

Det vart bygd ei borg på ein ås midt i sentrum av byen. Med den strategiske plasseringa ved Maas vart byen derfor mange gonger utsett for åtak, særleg mot slutten av 1600-talet under krigane til Ludvig XIV. Dette førte til at dei frustrerte innbyggjarane til slutt reiv ned borga si i 1715. Ei ny festning vart bygd av nederlendarane i 1818 på den same strategiske staden.

Galleri

• 
  Li Pontia
• 
  Li Bassinia
• 
  Li Tchestia
• 
  Utsyn frå festninga
• 
  Byen og festninga
• 
  Gammal gate i Huy
• 
  Notre-Dame