I Heard It Through the Grapevine

«I Heard It Through the Grapevine» er ein song skriven av Norman Whitfield og Barrett Strong for Motown Records i 1966, og gjort kjend av Marvin Gaye som gav han ut på singel i oktober 1968 på Motown sin Tamla-etikett.

I Heard It Through the Grapevine Singel av Marvin Gaye frå albumet In the Groove
B-side	«You're What's Happening (in the World Today)»
Språk	engelsk
Utgjeve	30. oktober 1968
Innspelt	10. april 1967 Hitsville USA (Studio A) (Detroit)
Sjanger	Psykedelisk soul
Lengd	3:16
Selskap	Tamla T 54176
Komponist	Norman Whitfield, Barrett Strong
Tekstforfattar	Barrett Strong, Norman Whitfield
Låtskrivar(ar)	Norman Whitfield Barrett Strong
Produsent	Norman Whitfield
Marvin Gaye-kronologi
«His Eye is on the Sparrow» 1968	I Heard It Through the Grapevine	«Good Lovin' Ain't Easy to Come By» (with Tammi Terrell) 1969

Han vart opphavleg spelt inn av Smokey Robinson & the Miracles i 1966, ein versjon som vart avslått av Motown-eigaren Berry Gordy, som bad Whitfield og Strong om å gjere han mektigare. Etter innspeling av songen med Marvin Gaye i 1967, som Gordy òg avslo, produserte Whitfield ein versjon med Gladys Knight & the Pips, som Gordy gjekk med på å gje ut som singel i september 1967, og som gjekk til andreplass på Billboard-lista. Marvin Gaye-versjonen kom ut på albumet hans In the Groove i 1968, der han vart lagt merke til av radiostasjonar. Dette gjorde at Gordy gjekk med på å gje ut songen på singel i oktober 1968. Han gjekk til topps på Billboard-lista og vart liggande der i sju veker frå desember 1968 til januar 1969 og vart den største hitten til Motown på den tida.

Gaye-innspelinga har sidan vorte ein soul-klassikar og i 2004 vart han plasert på lista til Rolling Stone over dei 500 beste songane gjennom tidene. Han vart òg innlemma i Grammy Hall of Fame.

I tillegg til at han vart spelt inn av fleire andre Motown-artistar, er songen spelt inn av mange andre musikarar, som Creedence Clearwater Revival, som lagde ein elleve minuttar lang versjon for Cosmo's Factory i 1970.

Lovord

Gaye-innspelinga har vorte ein soul-klassikar. I 2004 vart han plassert på 80. plass på lista til Rolling Stone over dei 500 beste songane gjennom tidene.^[1] I ei ny liste publisert i 2011 vart songen flytta ned til 81. plass.^[2]

Til minne om 50-årsjubieleet for Billboard Hot 100 i juni 2008 vart Marvin Gaye-versjonen rangert på 65. plass på ei liste over tidenes beste songar.^[3] Han vart òg innlemma i Grammy Hall of Fame.

Lister

Marvin Gaye-versjonen Liste (1968-1969) Plassering Australia (Go-Set Top 40)[4] 40 Canada RPM Top Singles[5] 8 Frankrike (SNEP)[6] 88 Irish Singles Chart[7] 7 Nederland (Nederlandsk Topp 40)[8] 25 Sør-Afrika[9] 3 UK (Official Charts Company)[10] 1 U.S. Billboard Hot 100[11] 1 U.S. Billboard Hot R&B Singles[11] 1 Liste (1986) (nyutgjeving) Plassering Belgia (Ultratop 50 Flandern)[12] 18 Tyskland (Media Control AG)[13] 48 Irish Singles Chart[7] 4 Nederland (Nederlandsk Topp 40)[8] 18 Nederland (Mega Single Top 100)[14] 23 UK (Official Charts Company)[10] 8 Liste (2009) Plassering Belgia (Ultratop 50 Back Catalogue Singles Flanders)[15] 22

Creedence Clearwater Revival-versjonen Liste (1970) Plassering Frankrike (SNEP)[16] 28 Liste (1973) Plassering Nederland (Nederlandsk Topp 40)[17] 13 Nederland (Mega Single Top 100)[18] 10 Liste (1976) Plassering Canada RPM Top Singles[19] 76 U.S. Billboard Hot 100[20] 43

Soultans-versjonen Liste (1996-1997) Plassering Austerrike (Ö3 austerriksk Topp 40)[21] 24 Belgia (Ultratip Flandern)[22] 6 Belgia (Ultratop 50 Flandern)[23] 33 Tyskland (Media Control AG)[24] 56 New Zealand (RIANZ)[25] 44