I Shot the Sheriff

«I Shot the Sheriff» er ein song skriven av Bob Marley, fortalt frå synspunktet til ein mann som innrømmer å ha teke livet av den lokale sheriffen, men han hevdar at han er feilaktig skulda for å ha teke livet av assistenten hans. Songen vart først gjeven ut på The Wailers-albumet Burnin' i 1973.

I Shot The Sheriff Studioalbum av The Wailers frå albumet Burnin'
Språk	engelsk
Utgjeve	1973
Innspelt	Harry J. Studios, Kingston i Jamaica, april 1973
Sjanger	Reggae
Lengd	4:41
Selskap	Tuff Gong, Island
Tekstforfattar	Bob Marley
Låtskrivar(ar)	Bob Marley
Produsent	Chris Blackwell og The Wailers

I Shot the Sheriff Singel av Eric Clapton frå albumet 461 Ocean Boulevard
Språk	engelsk
Utgjeve	Juli 1974
Innspelt	April–mai 1974 i Criteria Recording Studios, Miami i Florida
Sjanger	Reggae
Lengd	4:41
Selskap	RSO
Tekstforfattar	Bob Marley
Låtskrivar(ar)	Bob Marley
Produsent	Tom Dowd

Eric Clapton spelte inn ein versjon av songen for albumet 461 Ocean Boulevard i 1974. Dette er den mest suksessrike versjonen av songen og singelen nådde førsteplassen på den amerikanske singellista. Dette var einaste gongen Clapton nådde førsteplassen i USA. Songen gjekk òg til topps i Canada og New Zealand, medan han i Noreg nådde tredjeplassen og i Storbritannia niandeplass.

«Eg ønskte å seie 'I shot The Police', men styresmaktene ville ha laga bråk då, så eg sa 'I shot the sheriff' i staden for... men ideen er den same: rettferd.» — Bob Marley^[1]

Andre versjonar

• EPMD nyttar ein sample frå Clapton-versjonen av songen på «Strictly Business» frå 1988.
• På debutalbumet til Mary J. Blige (What's the 411?) seier Grand Puba «I shot the sheriff AND the motherfuckin' deputy» på tittelsporet.
• I 1995 song den svenske gruppa Just D songen med ein svensk tekst, Jag sköt sheriffen, på samlealbumet Just D:s Gyldene.^[2] och på singel.^[3]
• I 1997 spelte rapparen og produsenten Warren G songen for albumet Take a Look over Your Shoulder (Reality). Denne versjonen nådde 20. plass på lista i USA og førsteplassen på New Zealand.