461 Ocean Boulevard

461 Ocean Boulevard er det andre studioalbumet til Eric Clapton som soloartist, gjeve ut i juli 1974 på RSO etter suksess med «I Shot the Sheriff».^[9] Huset på plateomslaget er 461 Ocean Boulevard i Miami.

461 Ocean Boulevard Studioalbum av Eric Clapton
Språk	engelsk
Utgjeve	Juli 1974
Innspelt	April–mai 1974
Studio	Criteria, Miami, Florida
Sjanger	Rock bluesrock reggae
Lengd	43:21
Selskap	RSO
Produsent	Tom Dowd
Eric Clapton-kronologi
Eric Clapton's Rainbow Concert (1973)	461 Ocean Boulevard	There's One in Every Crowd (1975)
Singlar frå 461 Ocean Boulevard
«I Shot the Sheriff» Utgjeve: Juli 1974 «Willie and the Hand Jive» Utgjeve: Oktober 1974

Meldingar
Karakter
Kjelde	Karakter
AllMusic	[1]
Chicago Tribune	[2]
Christgau's Record Guide	A[3]
Creem	A–[4]
Encyclopedia of Popular Music	[5]
MusicHound	3.5/5[6]
The Rolling Stone Album Guide	[7]
Uncut	[8]

I 2012 vart albumet rangert på 411. plassen på lista til Rolling Stone over dei 500 beste albuma gjennom tidene.^[10] I 2004 vart det gjeve ut ein dobbel-CD med 461 Ocean Boulevard med ny digital lyd. Den andre disken inneheld eit konsertopptak frå HMV Hammersmith Apollo (tidlegare Hammersmith Odeon).

Historie

Etter å ha vorte kvitt heroinmisbruket sitt, gav Eric Clapton ein demoteip til Carl Radle – tidlegare bassist for Derek and the Dominos – med songar spelt av Radle i lag med klaverspelar Dick Simms og trommeslagar Jamie Oldaker. Manageren til Clapton, Robert Stigwood arrangerte det slik at Clapton kunne spele inn musikk i Criteria Studios i Miami, med Radle, Simms, Oldaker, og plateprodusent Tom Dowd.^[9] Stigwood betalte òg for huset Clapton budde i på adressa 461 Ocean Boulevard.

Då Clapton starta å innspelinga ved Criteria, vart Yvonne Elliman på korvokal og gitarist George Terry fulltidsmedlemmer av gruppa hans. På denne tida spelte Terry albumet Burnin' av Bob Marley and the Wailers, og dette inspirerte han til å spele inn ei utgåve av «I Shot the Sheriff». I starten ønskte ikkje Clapton å gje ut denne songen på 461 Ocean Boulevard, men dei andre i bandet overtydde han om å ta han med.^[9] Songen vart gjeven ut som singel og vart den einaste førsteplassen Clapton fekk på den amerikanske singellista.^[11]

Mottaking

Stephen Thomas Erlewine frå Allmusic skildra albumet som fokusert og konsistent med estetikken til Eric Clapton.^[12] Blender si melding av albumet i 2004 (spesialutgåva) kalla Jon Pareles Eric Clapton-tida med Cream for langt betre enn Clapton på 461 Ocean Boulevard, fordi han meinte det var noko anstrengt synging på 461 Ocean Boulevard. Pareles skildrar òg versjonen til Clapton av «I Shot the Sheriff» som ein kopi uta originale arrangement. Han hylla songen «Let It Grow», men kritiserte han for å vere for lik «Stairway to Heaven».^[13] Robert Christgau kalla albumet ærleg og banebrytande for Clapton, men hylla coversongane som dei beste på albumet.^[4] Ken Emerson i Rolling Stone kalla gitarspelinga til Clapton lite merkverdig og kritiserer Clapton for å gøyme seg bak dei andre musikarane, som utanom Jamie Oldaker, ikkje var særleg gode. Emerson kritiserer òg Clapton for å bruke dobro på albumet, men kallar «Let It Grow» eit høgdepunkt.^[14]

Innhald

Side ein

Nr.	Tittel	Låtskrivar(ar)	Lengd
1.	«Motherless Children»	trad. arr. Eric Clapton, Carl Radle	4:55
2.	«Give Me Strength»	Clapton	2:51
3.	«Willie and the Hand Jive»	Johnny Otis	3:31
4.	«Get Ready»	Clapton, Yvonne Elliman	3:50
5.	«I Shot the Sheriff»	Bob Marley	4:30

Side to

Nr.	Tittel	Låtskrivar(ar)	Lengd
6.	«I Can't Hold Out»	Elmore James	4:10
7.	«Please Be With Me»	Charles Scott Boyer	3:25
8.	«Let It Grow»	Clapton	4:57
9.	«Steady Rollin' Man»	Robert Johnson	3:14
10.	«Mainline Florida»	George Terry	4:05

Deluxe-utgåva

Plate ein

Nr.	Tittel	Låtskrivar(ar)	Lengd
1.	«Motherless Children»	trad. arr Clapton, Radle	4:55
2.	«Give Me Strength»	Clapton	2:54
3.	«Willie and the Hand Jive»	Otis	3:31
4.	«Get Ready»	Clapton, Elliman	3:47
5.	«I Shot the Sheriff»	Marley	4:25
6.	«I Can't Hold Out»	James	4:14
7.	«Please Be With Me»	Boyer	3:26
8.	«Let It Grow»	Clapton	5:00
9.	«Steady Rollin' Man»	Johnson	3:14
10.	«Mainline Florida»	Terry	4:09
11.	«Walkin' Down the Road»	Musgrave, Levine	5:17
12.	«Ain't That Loving You»	Jimmy Reed	5:30
13.	«Meet Me (Down at the Bottom)»	Willie Dixon	6:59
14.	«Eric After Hours Blues»	Clapton	4:23
15.	«B-Minor Jam»	Clapton	7:11

All songane på den andre plata vart spela inn 4. og 5. desember 1974 i Hammersmith Odeon i London.

Plate to

Nr.	Tittel	Låtskrivar(ar)	Lengd
1.	«Smile»	Charlie Chaplin, Geoffrey Parsons, John Turner	4:39
2.	«Let It Grow»	Clapton	6:23
3.	«Can't Find My Way Home»	Steve Winwood	4:49
4.	«I Shot the Sheriff»	Marley	7:49
5.	«Tell the Truth»	Clapton, Bobby Whitlock	7:03
6.	«The Sky Is Crying/Have You Ever Loved a Woman/Rambling On My Mind»	James/Billy Myles/Johnson	7:23
7.	«Little Wing»	Jimi Hendrix	6:49
8.	«Singin' the Blues»	McCreary	7:42
9.	«Badge»	Clapton, George Harrison	8:36
10.	«Layla»	Clapton, Jim Gordon	5:26
11.	«Let It Rain»	Bonnie Bramlett, Clapton	6:33

Medverkande

Eric Clapton – vokal · gitar · dobro · arrangement Yvonne Elliman – vokal Dick Sims – klaverinstrument George Terry – gitar · vokal Carl Radle – bass · arrangement Jamie Oldaker – trommer · perkusjon Al Jackson jr. – trommer på «Give Me Strength» Albhy Galuten – synthesizer · piano · clavichord Tom Bernfield – korvokal Marcy Levy – munnspel · korvokal

Tom Dowd – produsent Bill Levenson – produsent på Deluxe Edition Ron Fawcus – lydteknikar Andy Knight – lydteknikar Karl Richardson – lydteknikar Suha Gur – mastering Darcy Proper – mastering i Sterling Sound i New York Bob Defrin – kunstnarisk leiar David Gahr – fotografi Ryan Null – fotografikoordinering

Salslister

Vekeslister Liste (1974–1975) Plassering Den kanadiske albumlista (RPM)[15] 1 Nederlandske album (MegaCharts)[16] 4 Tyske album (Media Control)[17] 11 Den italienske albumlista (Musica e dischi)[18] 24 Newzealandske album (Recorded Music NZ)[19] 38 Norske album (VG-lista)[20] 4 UK Albums (OCC)[21] 3 US Billboard 200[22] 1

Årslister Liste (1974) Plassering Den kanadiske albumlista (RPM)[23] 5 Den nederlandske albumlista (MegaCharts)[24] 22

Salstrofé

Region	Salstrofé	Salstal
USA (RIAA)[25]	Gull	500 000^
*salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine