Ida Lie

Ida Lie (25. august 1837–5. januar 1905) var ein norsk pianist og klaverpedagog.

Ida Lie
Fødd	25. august 1837
Fødestad	Kongsvinger kommune
Død	5. januar 1905 (67 år)
Dødsstad	Oslo
Opphav	Noreg
Verka som	klaverlærer, pianist
Far	Michael Strøm Lie

Liv og virke

Ida Lie var fødd på Kongsvinger i 1837 som dotter av prokuratoren og ordføraren Michael Strøm Lie og Ingeborg Birgitte Møinichen. I 1850-åra var ho guvernante hos korpslege Smith på Sagene. Ho blei elev av Halfdan Kjerulf og seinare hos Theodor Kullak i Berlin. Saman med systera Erika gjennomførte ho fleire studiereiser til utlandet. Etter heimkomsten til Noreg etablerte ho seg som klaverpedagog, og blei ein viktig faktor i norsk musikkliv.^[1] Blant hennar pianoelevar var forfattaren og journalisten Edle Hartmann Schjødt.^[2]

Ida Lie gav tidvis offentlege framsyningar, blant anna saman med fiolinvirtuosen Ole Bull i 1863.^[3]

Ida Lie blei gravlagd på Vår Frelsers gravlund i Kristiania den 9. januar 1905.^[4]

Familie

Ida Lie var dotter av Michael Strøm Lie og Ingeborg Birgitte Møinichen, og grandtante til måleren Jonas Lie. Ho hadde syskena Thomasine Lie (gift med fetteren deira, forfattaren Jonas Lie), pianisten og musikkpedagogen Erika Nissen, pianisten og musikkpedagog Birgitte Lie (gift Soot)^[5] og Sverre Lie. Ho forblei ugift.