Indore

Indore (devanagari इन्दौर ) er ein by i India som ligg i delstaten Madhya Pradesh. Indore er den største byen i delstaten, og hadde 2 822 000 innbyggjarar i 2018.^[1] Byen ligg ved sørkanten av Malwa-platået, med ei gjennomsnittleg høgd på 553 moh.^[2] Han ligg 190 km vest for delstatshovudstaden Bhopal. Byen har ein del bomulls-, sement- og papirindustri. Det finst også mange vakre palass her.^[1]

Indore
by
Land	India
Stat	Madhya Pradesh
Areal	530 km²
Folketal	1 994 397 (2011)
Indore 22.718611111111°N 75.855°E / 22.718611111111; 75.855
Wikimedia Commons: Indore

Namn

Gupta-inskripsjonar nemner ein «Indrapura».^[3] Ein trur byen har namn etter Indreshwar Mahadev-tempelet, som er vigd guden Indra.^[4]

Historie

Indore blei grunnlagd på 1700-talet av av mahratta-offiseren Malhar Rao Holkar. Byen var hovudstad for Fyrstestaten Indore under Holkar-slekta frå 1818 til 1948. I 1818 kom byen under britisk kontroll.^[1] Frå 1948 til 1956 var byen sommarhovudstad i delstaten Madhya Bharat.^[1]