Ingrid Eide

Ingrid Eide (fødd 12. juli 1933) er ein norsk politikar og sosiolog. Ho var sentral i grunnleggjinga av Institutt for fredsforskning (PRIO) i 1959, og arbeidde i fleire år ved instituttet. Ho var av avgjerande tyding for PRIO sin kontakt med fredsrørsla og kvinnerørsla. Seinare var ho i mange år amanuensis i sosiologi ved Universitetet i Oslo.

Ingrid Eide
Fødd	12. juli 1933 (92 år)
Statsborgar av	Noreg
Parti	Arbeidarpartiet
Yrke	sosiolog, politikar
Institusjonar	Universitetet i Oslo Dei sameinte nasjonane
Utdanna ved	Columbia University Universitetet i Oslo
Ektefelle	Johan Galtung, Sverre Lodgaard
Barn	Andreas Galtung
Alle verv	statssekretær (1973–1976) stortingsrepresentant (fast møtande vararepresentant, 1979–1981) vararepresentant til Stortinget (1977–1981) vararepresentant til Stortinget (1981–1985) stortingsrepresentant (fast møtande vararepresentant, 1981–1981)

Bakgrunn

I 1960 tok ho ei magistergrad i sosiologi ved Universitetet i Oslo, og frå 1973 til 1976 var ho statssekretær i Kyrkje- og undervisingsdepartementet.^[1]

Eide har vore gift med Johan Galtung og Sverre Lodgaard. Ho er mor til juristen Andreas Galtung.

Politisk karriere

Eide var vararepresentant til Stortinget for Arbeidarpartiet frå Oslo frå 1977 til 1985, der ho møtte for Knut Frydenlund og Sissel Rønbeck. Frå 2007 sat ho i Oslo bystyre for Arbeidarpartiet. Eide har òg ei omfattande internasjonal yrkesrøynsle, mellom anna frå UNESCO og som direktør i UNDP, FN sitt program for kvinner og utvikling. Ho var òg sentral i Internasjonal kvinneliga for fred og fridom i Noreg, saman med Johanne Reutz Gjermoe.^[2]