Ingvild Bryn

Ingvild Bryn (fødd 18. mars 1961) er ein norsk journalist og programleiar frå Voss. Ho er særleg kjend som nyheitsanker i Dagsrevyen i NRK. Saman med Morten Harket var ho programleiar for Eurovision Song Contest 1996.

Ingvild Bryn
Statsborgarskap	Noreg
Fødd	18. mars 1961 (64 år) Voss
Yrke	Journalist og programleiar (TV)
Språk	norsk
Ektefelle	Svein Gjerdåker
Ingvild Bryn på Commons

Liv og virke

Ingvild Bryn jobba i lokalavisa Horda Tidend eitt år etter Voss gymnas. Ho er cand.mag. med nordisk grunnfag, media og kommunikasjon ved Høgskulen i Volda og statsvitskap ved Universitetet i Oslo.

Bryn byrja i NRK i 1984. Ho arbeidde først eitt år i NRK Hordaland, deretter i NRK Dagsnytt radio, og i 1990–1992 var ho korrespondent i Stockholm. Ho vart programleiar i Dagsrevyen i 1992. Mellom 1995 og 1999 var ho korrespondent i USA. Ho har hatt ei rekkje ulike oppdrag for NRK. Saman med Morten Harket var ho programleiar for Eurovision Song Contest 1996.

Ho var styreleiar for Mediemållaget i 1988–1990 og styremedlem i 2004–2010. I tillegg sit ho i styret for adopsjon- og fadderskapsforeininga Verdens Barn.

Utmerkingar

• Kringkastingsprisen 1998
• Alf Helleviks mediemålpris 2004
• Årets nynorskbrukar i 2012
• Storegutprisen i 2012

Kjelder

• «Ingvild Bryn» i Allkunne, innhenta 22. juli 2010.
• Denne artikkelen byggjar på «Ingvild Bryn» på Wikipedia på bokmål, innhenta 18. juli 2010.