Innlandet

Innlandet er Kristiansund si minste øy, og ei av dei fire øyane som sentrum av byen ligg på. Dei andre er Kirklandet, Nordlandet og Gomalandet. Tahiti er vorte eit mykje nytta kallenamn på Innlandet av dei lokale innbyggjarane og Tahitifestivalen er eit årvisst arrangement på øya. Den populære badeplassen Skjærva er flittig nytta om sommaren til bading, volleyball, basketball og til å sole seg. Innlandet har òg ein matvarebutikk, ein barneskule og ein restaurant (Dødeladen), elles er mykje av øya nytta til bustader.

Denne artikkelen handlar om øya i Kristiansund. For fylkeskommunen, sjå Innlandet fylke.

Innlandet
Innlandet sett frå Kirklandet, i bakgrunnen fjellet Freikollen, det høgaste fjellet i Kristiansund. Foto: Harald Oppedal
Geografi
Stad	Nordmøre
Koordinatar	63°06′16″N 07°44′02″E
Areal	0,73 km²
Høgaste punkt	Bautaen (64 moh.)
Administrasjon
Land	Noreg
Fylke	Møre og Romsdal
Demografi
Folketal	1397 (2024)
Folketettleik	ca. 1910 /km²

Dødeladen cafe på Innlandet. Bilete er teke frå sundbåten.

Foto: Harald Oppedal

Folketalsutvikling

1900[1]	2000[2]	2024[2]
1136	1224	1397