Isfjorden i Rauma
bygd i Rauma i Møre og Romsdal From Wikipedia, the free encyclopedia
Remove ads
Isfjorden er ei bygd og ein tettstad i Rauma i Møre og Romsdal. Tettstaden har 1 546 innbyggjarar per 1. januar 2024. Senteret i bygda ligg på Hen, rundt 6 km aust for Åndalsnes. Bygda ligg inst ved den om lag seks kilometer lange Isfjorden, og strekker seg austover, omtrent ei mil innover Grøvdalen og Dalsbygda. Nokre andre grender er Liabygda, Engan, Stein, Tokle, Hatlen, Kavli, Melbø og Moa. Isfjorden er kjent som «konfeksjonsindustriens vogge» i Noreg.
- Denne artikkelen handlar om bygda i Rauma. For andre tydingar av ordet, sjå Isfjorden.
Remove ads
Landskap
Bygda er omkransa av spektakulære fjelltoppar, bl.a Kirketaket, Juratind, Store Venjetind og Romsdalshornet.
Elvane Isa, frå Grøvdalen, og Glutra, frå Dalsbygda, møtast og renn saman ut i Isfjorden. Begge er gode lakseelver.
Kvanndalen er ein sidedal til Dalsbygda. Mot vest kneisar Vengjetindan og i sør ender dalen i Kvanndalstind med Torshammaren. Dalen reknast som ei naturperle, og er ennå fri for menneskelege inngrep som kraftliner og vegar.
Vengedalen er ein sidedal mot sør. Det er ni kilometer bilveg (bomveg) opp til Vengedalsetra og Vengedalsvatnet. Frå enden av bilvegen er det ei kort oppstiging (omtrent 100 høgdemeter) til Litlefjellet (800 meter), herifrå er det utsikt rett over mot Trollveggen og ned Romsdalen til Åndalsnes. Dalen blir nytta som utgangspunkt for fjellklatring på Store Venjetind og Romsdalshorn.
Remove ads
Konfeksjonsindustri og Nordlandshandel
Isfjorden er kjent som «konfeksjonsindustriens vogge» i Noreg. Grunnen til dette var at det var ein vidfemnande Nordlands-handel. Dei fleste av Nordlandshandlarane i Rauma, kom frå den forholdsvis litle bygda Isfjorden. Denne handelen gav bygda ein enorm optimisme og det blomstra opp med skomakarverkstader og det vart sydd klede nær sagt i alle heimar. Nordlandshandelen utløyste eit eineståande handverksmiljø. Varene var opphavleg heimeproduserte, men etterkvart vart det etablert fleire fabrikkar. Dette gjorde at Isfjorden seinare har blitt kalla konfeksjonsindustriens vogge i Noreg. Ein av konfeksjonsfabrikkane er bevart som minne og industrimuseum, Konfeksjonsmuseet, den tidlegare Oddfred Tokles konfeksjonsfabrikk.
Remove ads
Kjente isfjordingar
Målar Halvard Hatlen
Bildegalleri
Vikingehuset ved Isfjorden skole.
Isfjordshallen.
Isfjorden skole.
Skarven, Kirketaket og Kjøvskartind, sett frå Åndalsnes.
Store Venjetind og inngangen til Vengedalen.
Dalsbygda sett frå Aasen.
Bakgrunnsstoff
 | Denne geografiartikkelen som har med Møre og Romsdal å gjere, er ei spire. Du kan hjelpe Nynorsk Wikipedia gjennom å utvide han. |
Wikiwand - on
Seamless Wikipedia browsing. On steroids.
Remove ads