Jazz from Hell

Jazz from Hell er eit instrumentalalbum av Frank Zappa som han vann ein Grammy for. Det kom ut i 1986 på Barking Pumpkin Records (vinyl) og Rykodisc (CD).

Jazz from Hell Studioalbum av Frank Zappa
Språk	engelsk, inkje språkleg innhald
Utgjeve	15. november 1986
Innspelt	1985–1986 ved UMRK (utanom «St. Etienne», 1982 ved Palais des Sports i St. Etienne, Frankrike)
Sjanger	Datamusikk, jazzfusion
Lengd	34:26
Selskap	Barking Pumpkin
Produsent	Frank Zappa
Frank Zappa-kronologi
The Old Masters Box II (1986)	Jazz from Hell	London Symphony Orchestra, Vol. II (1987)

Meldingar
Karakter
Kjelde	Karakter
Allmusic	[1]
Rolling Stone	(positiv)[2]

Albuminformasjon

All songane er laga og framført av Frank Zappa på Synclavier DMS med unntak av «St. Etienne», ein gitarsolo frå eit konsertopptak av «Drowning Witch» frå ein konsert i Saint-Étienne i Frankrike under ein turné i 1982.

«While You Were Art II» er ein Synclavier-versjon basert på ein transkripsjon av ein improvisert gitarsolo på songen «While You Were Out» frå Shut Up 'n Play Yer Guitar. Den ikkje-utgjevne originale Synclavier-versjonen vart laga med berre FM-synthen på synthesizeren, medan innspelinga på albumet vart Zappa sitt «deluxe»-arrangement med nyare samplingar og klangar.

«G-Spot Tornado» var eit stykke Zappa meinte var umogeleg for menneske å spele. Det vart framført av Ensemble Modern på konsertinnspelinga The Yellow Shark.

Utgjeving

Det vart gjeve ut i Europa på CD i lag med ni spor frå Frank Zappa Meets the Mothers of Prevention på same plate.

Prisar

Zappa vann ein Grammy for beste instrumentale rock for albumet i 1988.

Kontrovers

Sjølv omd et er eit instrumentalalbum kom det rapportar, som ikkje er stadfesta, om at Fred Meyer-kjeda selde Jazz from Hell med eit Parental Advisory-merke på. Dette kan ha kome av striden Zappa hadde med PMRC, bruken av ordet «hell» i albumtittelen, eller sporet «G-Spot Tornado».^[3]

Innhald

Alle spor skrivne av Frank Zappa

Side ein

Nr.	Tittel	Lengd
1.	«Night School»	4:47
2.	«The Beltway Bandits»	3:25
3.	«While You Were Art II»	7:17
4.	«Jazz from Hell»	2:58

Side to

Nr.	Tittel	Lengd
5.	«G-Spot Tornado»	3:17
6.	«Damp Ankles»	3:45
7.	«St. Etienne»	6:26
8.	«Massaggio Galore»	2:31

Medverkande

Musikarar

• Frank Zappa – Sologitar, synclavier, klaverinstrument, plateprodusent
• Ed Mann – perkusjon
• Tommy Mars – klaverinstrument
• Bobby Martin – klaverinstrument, saksofon
• Scott Thunes – bassgitar, klaverinstrument
• Steve Vai – rytmegitar
• Chad Wackerman – trommer
• Ray White – rytmegitar