Jeff Goldblum

Jeffrey Lynn «Jeff» Goldblum (fødd 22. oktober 1952) er ein amerikansk skodespelar som har spelt på teater, fjernsyn og film. Han har spelt fleire gonger på Broadway og vore Oscar- og Emmy-nominert.

Jeff Goldblum
Statsborgarskap	USA
Fødd	22. oktober 1952 (72 år) West Homestead
Yrke	fjernsynsskodespelar, filmskodespelar, filmregissør, stemmeskodespelar, karakterskodespelar, filmprodusent, teaterskodespelar, skodespelar, pianist, jazzmusikar
Språk	engelsk
Far	Harold Leonard Goldblum
Mor	Shirley Jane Goldblum
Ektefelle	Emilie Livingston
Partnar	Emilie Livingston
Jeff Goldblum på Commons

Jeff Goldblum om lag 1985.

Jeff Goldblum i filmfestivalen i Toronto i 2007.

Goldblum voks opp i West Homestead i Pennsylvania, ein forstad til Pittsburgh. Faren var lege og mora arbeidde i radio før ho seinare grunnla eit selskap som selde kjøkkenutstyr. Familien var ortodokse jødar.

17 år gammal flytta Jeff Goldblum til New York for å bli skodespelar. Han fekk opplæring av Sanford Meisner ved teaterskulen Neighborhood Playhouse og debuterte på Broadway i Shakespeare-stykket The Two Gentlemen of Verona. Goldblum filmdebuterte med ein mindre rolle i Death Wish, regissert av Charles Bronson, i 1974.

Goldblum har vore gift to gonger, først med Patricia Gaul frå 1980 til 1986, seinare med skodespelarkollegaen Geena Davis, som han også spelte saman med i tre filmar.

Utvalde filmar

• Death Wish (1974)
• Annie Hall (1977)
• Silverado (1985)
• The Fly (1986)
• Earth Girls Are Easy (1988)
• Jurassic Park (1993)
• Independence Day (1996)
• The Lost World: Jurassic Park (1997)
• The Prince of Egypt (1998)

Kjelder

• Denne artikkelen bygger på «Jeff Goldblum» frå Wikipedia på engelsk, den 14. desember 2008.