Jenny Wolf

Jenny Wolf (fødd 31. januar 1979) er ein tysk tidlegare skeiseløpar frå Berlin. Ho vart i 2008 verdsmeister i sprint-firkamp.

Jenny Wolf
Statsborgarskap	Tyskland, Den tyske demokratiske republikken
Fødd	31. januar 1979 (46 år) Berlin
Idrett	lengdeløp på skeiser
Tok del i	Vinter-OL 2006, Vinter-OL 2014, Vinter-OL 2002, Hurtigløp på skøyter under Vinter-OL 2010 – 500 meter kvinner
Utmerkingar	Verdienstorden des Landes Berlin

Aktiv

Wolf var aktiv i kortbaneløp før ho i 2006 kom på sjetteplass på 500 meter under Vinter-OL 2006 i Torino. Året etter sigra ho på begge 500-meterane då sprint-VM vart avvikla på Hamar, men fall på den fyrste 1000-meteren øydela for ei sterk plassering samanlagt. Seinare i 2007-sesongen sletta ho verdsrekorden til Catriona Le May på 500 m og vann sitt fyrste VM-gull på distansen ved verdsmeisterskapen i enkeltdistansar i Salt Lake City. Rekordtida 37,04 sekund forbetra ho til 37,02 ved eit verdscupstemne same staden den 16. november same året.

Skeise-VM 2008 i sprint-firkamp i Heerenveen vart Wolf sin største triumf på skeisebana. Ho gjekk inn til bestetider på 500-meterane, og viste landskvinna Anni Friesinger til sølvplassen samanlagt. Seinare i sesongen forsvarte ho gullmedaljen på 500 m VM enkeltdistanse, vintrane 2009 og 2011 tok ho sitt tredje og fjerde VM-gull på same distansen. 11. desember 2009 presterte ho livsbeste 37,00 sekund då ho forbetra verdsrekorden på 500 m for tredje gong.

I dei olympiske leikane 2010 i Vancouver måtte ho nøye seg med sølvmedaljen på 500 meter. Etter to 500-meterar enda ho samanlagt fattige 0,05 sekund bakom gullvinnaren, sørekoreanske Lee Sang-hwa. 13. november 2010 vann Wolf 500 meter for førtiande gong i verdscupen. Skade førte sidan til at ho ikkje heldt same høge nivå. Ho la opp i 2014, etter å ha vorte nummer 6 på 500 m i vinterleikane i Sotsji.

Kjelder

• Denne artikkelen bygger på «Jenny Wolf» frå Wikipedia på nederlandsk, den 19. november 2025.