Jernmeteoritt

Jernmeteorittar eller siderittar er meteorittar som består av ein stor del jern–nikkel-legeringar kjend som meteorisk jern. Dette består vanlegvis at to mineralfasar, kamasitt og taenitt. Jernmeteorittar kjem frå planetkjernar frå planetesimalar.^[2]

Tamentitt-jernmeteoritt, funnen i 1864 i Sahara,^[1] med vekt på kring 500 kg. På utstilling i parken Vulcania i Frankrike.

Jernmeteorittar, eller det meteoriske jernet deira, var ein av dei tidlegaste kjeldene til jern som kunne nyttast av menneske, før ein oppdaga smelting som signaliserte starten på jernalderen.

Jernmeteorittane er forholdsvis sjeldne samanlikna med steinmeteorittar, og utgjer berre omkring 5,7 % av dei observerte nedfalla.^[3]