Jon Gudbjørn Dybendal

Jon Gudbjørn Dybendal (21. september 1904–3. mai 1985) var ein norsk politikar frå Åsnes i Innlandet. Han representerte Arbeidarpartiet. Av yrke var han snikkar, båtbyggjar og småbrukar.

Jon Gudbjørn Dybendal
Fødd	21. september 1904
Død	3. mai 1985 (80 år)
Statsborgar av	Noreg
Parti	Arbeidarpartiet
Yrke	politikar
Alle verv	vararepresentant til Stortinget (1961–1965)

Flisabåt konstruert av Jon Dybendal

Dybendal var ordførar i Åsnes frå 1945 til 1963. Frå 1964 til 1973 vart han rådmann i kommunen. I ordførartida arbeidde han mellom anna med å få vidaregåande skole til Åsnes.^[1]

Jon Dybendal var vararepresentant på Stortinget frå Arbeidarpartiet i Hedemark i 1961–1965. Han møtte på Stortinget i 145 dagar.

Dybendal er kjend som båtbyggjar. Han har fått æra av å ha utvikla flisabåten, ein robåt som med utgangspunkt i eldre fløytarbåtar i Glomma, vart tilpassa bruk under tømmerfløyting i elva Flisa. Dette var kring 1929. Båtane vart bygde med malar til alle båtdelar. Båtane vart bygde laust, slik at dei kunne svingast rundt under bygging.^[2]