Kansas av Kansas

Kansas er debutalbumet til det amerikanske progressive rockebandet Kansas, gjeve ut i 1974 på Kirshner i USA og Epic Records i andre land.

Kansas Studioalbum av Kansas
Språk	engelsk
Utgjeve	8. mars 1974
Innspelt	1973. september December 1973
Studio	Record Plant Studios «A» og «C», New York City
Sjanger	Progressiv rock boogierock hardrock
Lengd	44:58
Selskap	Kirshner (USA) Epic (Europe)
Produsent	Wally Gold
Kansas-kronologi
	Kansas	Song for America (1975)
Singlar frå Kansas
«Can I Tell You» Utgjeve: 1974 «Lonely Wind» Utgjeve: 1975

Debutalbumet kom ut etter at to band frå Topeka slo seg saman: Kerry Livgren, frå ei tidlegare Kansas-besetning, og White Clover, som spelte streit rock og blues. Det nye bandet fekk platekontrakt med Kirshner Records i 1973 og reiste til New York for å spele inn det første albumet sitt.

Materialet på Kansas var hovudsakleg skriven av gitaristen og klaverspelaren Livgren og vokalisten og klaverspelaren Steve Walsh, og var henta frå repertoaret til begge gruppene. Songane til Livgren var generelt lengre og meir utførlege enn Walsh sine med mystiske tekstar som spegla den intense interessa hans for austlege religionar. «Journey from Mariabronn» var inspirert av Hermann Hesse sin Narcissus and Goldmund, medan «Belexes» og «Aperçu» var inspirert av den pseudo-asiatiske stilen til Giacomo Puccini sin Turandot.

Kansas vart marknadsført i musikkpressa med slagordet «Kansas is Koming.» Ein singel kalla «Man the Stormcellars: Kansas is Koming!» vart sendt til radiostasjonar der Don Kirshner snakkar varmt om albumet. Det vart gjeve ut to singlar frå albumet: «Can I Tell You» og «Lonely Wind». Ingen av dei selde godt nok til å gå inn på singellistene, men eit konsertopptak av «Lonely Wind» (frå konsertalbumet Two for the Show) nådde topp 100 tidleg i 1979. Albumet kom ut med ommastra lyd på CD i 2004.^[1] Ein ny ommastra versjon av albumet kom ut på vinyl i 2014.

Plateomslag

Plateomslaget syner abolisjonisten John Brown i ein scene frå Tragic Prelude, eit veggmåleri av Kansas-kunstnaren John Steuart Curry.^[2] Det originale veggmåleri er måla på ein mur i Kansas State Capitol i Topeka. Fargane på plateomslaget er annleis enn originalen og syner berre ein liten del av det originale måleriet.

Mottaking

Meldingar
Karakter
Kjelde	Karakter
AllMusic	[3]
ProgressiveWorld.net	[4]

I ei samtidig melding for New Musical Express skreiv Max Bell at trass i at Kansas hadde alle elementa for subtilitet, «er det mykje ordinær hardrock her, snøggleik og rytme, som raskt opphevar alle hint om originalitet», og syner ein mangel på personlegdom som forvandlar lyttinga av albumet til noko keisamt.^[5]

AllMusic skreiv om blandinga av progressiv rock og boogie rock som unik, men hevda at det òg gjorde dei mindre interessante enn andre progressive rockeband. Dei kritiserte òg at dei var for ambisiøse: «her er mange skalaer og arpeggioar, galopperande triolar, dramatisk orgel og staselege balladar som ikkje signaliserer noko som helst og som ikkje går nokon stad.»^[3]

Albumrt nådde 174. plassen på Billboard-lista i USa då det kom ut og selde våren 1974 135 000 eksemplar.^[6]

Innhald

Side ein

Nr.	Tittel	Låtskrivar(ar)	Solovokal	Lengd
1.	«Can I Tell You»	Rich Williams, Steve Walsh, Phil Ehart, Dave Hope	Steinhardt and Walsh	3:32
2.	«Bringing It Back»	J.J. Cale	Steinhardt	3:33
3.	«Lonely Wind»	Walsh	Walsh	4:16
4.	«Belexes»	Kerry Livgren	Walsh	4:23
5.	«Journey from Mariabronn»	Livgren, Walsh	Walsh	7:55

Side to

Nr.	Tittel	Låtskrivar(ar)	Solovokal	Lengd
6.	«The Pilgrimage»	Livgren, Walsh	Walsh	3:42
7.	«Aperçu»	Livgren, Walsh	Steinhardt and Walsh	9:54
8.	«Death of Mother Nature Suite»	Livgren	Steinhardt	7:43

Bonusspor på 2004-utgåva

Nr.	Tittel	Lengd
9.	«Bringing It Back» (Live at the Agora Ballroom, Cleveland, Ohio, 1975)	9:41

Medverkande

Kansas

• Steve Walsh – piano, orgel, Fender Rhodes, conga, solo- og korvokal.
• Kerry Livgren – gitar, piano, orgel, Moog synthesizer, korvokal
• Robby Steinhardt – fiolin, solo- og korvokal
• Rich Williams – elektrisk og akustisk gitar
• Dave Hope – bass, korvokal
• Phil Ehart – trommer

Andre medverkande

• Jay Siegel (frå The Tokens) – vokal på «Lonely Wind»

Production

• Wally Gold - plateprodusent
• Dan Turbeville - lydteknikar
• Kevin «Whip» Herron & Jimmy «Shoes» Iovine - assisterande lydteknikarar
• Tom Rabstenek, Greg Calbi - mastering
• Ed Lee - design
• John Steuart Curry - måleri
• Don Hunstein - foto på baksida av omslaget
• Jeff Glixman, Jeff Magid - ommastring

Salslister

År	Liste	Plassering
1974	Top LPs & Tape (USA)[7]	174

Salstrofé

Land	Organisasjon	^År	Sal
USA	RIAA	1995	Gull (+ 500 000)[8]
Canada	CRIA	1979	Gull (+ 50 000)[9]