Kathy Kirby (20. oktober 1938–19. mai 2011) var ein engelsk songar. Det vert sagt at ho var den best betale kvinnelege songaren i si tid.^[1][2] Ho er best kjend for sin coverversjon av Doris Day-låten «Secret Love» og for å ha representert Storbritannia i Eurovision Song Contest i 1965, der ho kom på andreplass med låten «I Belong».^[3] Utsjånaden og det blonde håret gjorde at ho fleire gongar vart samanlikna med Marilyn Monroe.^[4] Populariteten til Kirby nådde toppen i 1960-åra, då ho var ein av dei mest kjende og verdsette personlegdommane i britisk underhaldingsliv.^[1]

Kjappe fakta Fødd, Fødestad ...

Kathy Kirby
Fødd	20. oktober 1938
Fødestad	Ilford, Chadwell Heath
Død	19. mai 2011 (72 år)
Dødsstad	London
Fødenamn	Kathleen O'Rourke
Opphav	Storbritannia
Aktiv	1960–2011
Sjanger	pop
Instrument	vokal
Plateselskap	Decca Records
Verka som	songar

Lukk

Kirby hadde ei skolert og kraftig røyst, og gjennom framsyningar på fleire tv-program oppnådde ho stor popularitet og fekk fleire topp ti-hitar i Storbritannia.^[5] Ho vart også kåra til den beste britiske songaren av musikkmagasinet New Musical Express.^[1] Men mot slutten av 1960-åra dala karrieren hennar, og i 1983 trekte ho seg heilt tilbake frå artistlivet og budde i South Kensington i London.^[4]