Kelly Fraser

Kelly Fraser (8. august 1993–25. desember 2019)^[1] var ein kanadisk inuittisk popartist og låtskrivar. Det andre albumet hennar, Sedna, blei nominert til ein Juno-pris for Indigenous Music Album of the Year i 2018.^[2]

Kelly Fraser
Fødd	8. august 1993
Fødestad	Sanikiluaq
Død	24. desember 2019 (26 år)
Dødsstad	Winnipeg
Opphav	Canada
Aktiv	2010–2019
Sjanger	pop
Instrument	vokal
Verka som	songar-låtskrivar, omsetjar

Liv

Fraser var fødd i Igloolik og flytta som lita med familien til Sanikiluaq i Nunavut^[1] i Canada. Ho utdanna seg ved Nunavut Sivuniksavut i Ottawa før ho fullførte eit urfolksstudieprogram ved Nicola Valley Institute of Technology i British Columbia.^[3]

Ho blei fyrst kjend i 2013 då ho gav ut ei rekkje coverversjonar av popsongar på inuktitut, som «Diamonds» av Rihanna på YouTube.^[4]

I 2014 gav ho ut debutalbumet sitt, Isuma.^[4] Songane hennar var på engelsk og inuktitut, og musikalsk kombinerte dei samtidspop med tradisjonell inuittmusikk.^[4] Sedna kom ut 25. februar 2017 på Nunavut-merket Hitmakerz record label.^[5][3] Ifølgje produsenten sin arbeidde Fraser på eit nytt album som skulle kallast Decolonize.^[4][6]

Fraser døydde heime i Winnipeg i Manitoba 24. desember 2019, gjennom sjølvmord. Ifølgje familien hadde ho slite med trauma frå barndommen, rasisme og netthets.^[a][4]

Musikk

Sedna

Sedna kom ut 25. februar 2017 på Nunavut-merket Hitmakerz record label.^[5][3] Tittelen på albumet (ᓄᓕᐊᔪᒃ (Nuliaju) på inuktitut) viser til soga om Sedna, inuittane si havgudinne, som Fraser bestemte seg for å oppdatera på albumet.^[6] Ho sa: «Målet med albumet er å hjelpa til med å lækja dei om lir av effektane av kolonisering, medrekna dei skadelege verknadane av kostskular og tvinga forflytting. Det trengst at inuittartistar taler direkte til dei som er påverka av fortida.»^[b][5]

Merknadar

1. ...childhood traumas, racism and persistent cyberbullying.
2. The goal of the album is to help heal those suffering from the effects of colonization, including the damaging effects of residential school and forced relocation. There is a great need for Inuit artists to directly speak to those affected from the past.